Kay chaska puncha, Tránsito Amaguaña wasi ukupi, paklla wamrakunawan rimanakuy tiyarka, mamallakta tukuy markakunamantami rimanakuyman chayamurkakuna. Kay rimanakuypika paklla wamrakuna Ecuador llaktapi imashinall paktarinata rikunapakmi tantarirkakuna.
Kay rimanakuymanka Mario Amado Zambrano kamachi killkakmi kayachirka, payka nirkami wamrakunata yachachishpa katina mutsurinmi "mamallakta mushukyachinapak ruraykunata yachak riksik wamrakunatami charina mutsurin" nirkami.
Paymantaka, Diana Jácome kamachi killkak nirkami "wamrakunawan paktarinaka may allimi, mushuk llakta wiñachinata mashkanami kan". Ashtawanka, llakta pushak wamrarak kashkatami rimarka shinallatak kay willayta chayachirka "Llaktata ñawpakman pushakkunaka kankunami kankichik, Ecuador llakta purinata shuktakyachiy ushankichik". Kimichishpa nirkami "maypi wacharishka shinallatak maypi kawsashka mana mutsurichu, ashtawanka yachayta ama sakichik shinallatak yachashpa katinkichik. Kaya Mamallakta Tantanakuypi shuyakushun, llaktata ñawpakman apanapak atirishpa" nirkami.
Steve Villacrés kamachi killkak kay Mamallakta Tantanakuyma manar chayamushka kawsashkata willarka, tawka llakikunata shinallatak wichkashka punkutami paktarirakni nirka. "Pushaypi ashtawan mushukyashpa pushanapimi sumaychani nirka". Ashtawa nirkapash, Mamallakta Tantanakuypi wamrakuna kimirina shinallatak llaktata mushuk kawsayman pushanami mutsurin, nirka.
Kay yuyaypillatak, Andrés Castillo runaka llaktayta hamuktankapak shinallatak shuktakyachinkapak mutsurishkapi paktarika. "Ecuador llaktapak yuyaywan paktarichinami mutsurin. Muskunata mana sakina kanchik, muskuymi llaktata ashtawan allinta wiñachina", nishpa puchukarka.
Wamrarak ayllukunamantaka, David Quezada runaka kunanpi yachayman shinallatak llaktayuk chaypikanaman yaykunatami sakirirka. May allimi tukuy llaktamanta wamrakuna chayamushka shinallatak wamrakunaka llaktayukman kimirina usharinmi, chaymantami yachayka ancha mutsurin, nin.
Puchukaypika, Saski Zambrano shinallatak Juan Cedeño wamrakuna, Manabí markamanta, kay hatun rimanakuyman kayachishkamanta shinallatak mamallaktapak llaktayta rikunapak wiñachinapak kayachishkamanta napayta chayachirka.
SH/cg-k
