10 ari apushitaywanmi, Justicia y Estructura del Estado Minkarishkata pushak, Rosa Torres kamachi killkak, Llamkayñay riksichik killkata, kay Ley Orgánica de la Función Legislativa (LOFL) kamachiypak 27 niki killka rikuchishkata katishpa chayachishkatami arinirkakuna.
Riksichik killkata chayachiypika, Torres kamachi killkak nirkami kay llamkayriksichik killkawanka ishkay paktaytami mashkakunchik: kay minkarishkaman kamachiyta ruranapak killkakuna chayachishkata riksinkapak, shinallatak 2025-2027 watakuna llamkay paktana riksichkta tantachinatami mashkakuna.
135 kamachiy ruranapak chayachishka killkakunapika, chusku hatun yuyaykunapi tantachishkami rikurin: Código Orgánico de la Función Judicial kamachy mushukyachinapak pichka kamu killkakuna; Código Orgánico Integral Penal (COIP) kamachiy mushukyachinapak 73 kamu killkakuna; Código de la Democracia kamachy mushukyachina 14 killkakkuna; shinallatak Código Orgánico General de Procesos (COGEP) kamachiy mushukyachinapak pichka kamachi killkakuna. Tukuymantaka. 97 kamu killkakuantami riksinkakuna, achkakunami shukniki rimanakuypak llamkaywillayta charinkuna, shinallatak shutakkunaka riksinapakmi tiyakunkuna.
Shinallatak, kunanpi llamkakuk kamachi killkakkuna chayachishka mañaykunapash mutsurishkamanta riksishpami utkashpa allichishka kankakuna.
Kay llamkayñan killkaka justicia paktanata shinallatak kacharishka, utkachik ashtawanka tukuy llaktayukta yanapak kanatami sinchiyachinka, kayshina paktaykunaman chayanapakka kamay paktanata rikuk kamachiykunata chapak killkata mushukyachinami mutsurin.
Llamkayñanta arinishka kipaka, Mamallakta Tantanakuyta pushakman shinallatak killkakamayukman willachinapakmi kay minkarishkata pushakka mañarka.
AM/cg-k
Ashtawan Shuyukuna:
