Kay Fiscalización y Control Político Minkarishkapi ministro de Defensa, Gian Carlo Loffredo, pushakta llaktay ñawinchiyman kayachinapak mutsushka apushitay mana paktarka, kay mañaytaka Héctor Valladarez kamachi killkakmi chayachirka, paypak llamkaypi mana pakta rurashka nishpa, Guayaquil kitipi chusku wawakuna kay 2 puncha kapak killka 2024 wata chinkarishkamanta, shinallatak shuktak huchachiykunamantapash.
Kay yuyaypika, Ana Herrera kamachi killkak mañayta chayachishka llaktay ñawinchiy paktanapak mañayka chusku ari shinallatak sukta mana apushitaywami paktarka. Shinaka, mañay kallarichishka wakichishkami kanka.
Rimanakuykunaka llaktay ñawinchiy mana paktarina rikurin nishka yuyaypimi paktarirka kay taripayka wanachina ukumi rikuna kan nirka, kaypimi Las Malvinas, Guayaquil kitipi chusku wamrakuna chinkarishka wañushkamantapash taripay paktakun, nirka.
Chayshinallatak, ministro de Defensa, Gian Carlo Loffredo pushakta ñawinchiyman kayachinapak, yanapak kamachi killkakkunaka, Mamallakta Tantanakuyman kayshina llaktapi llakikuna tiyashkata rikschinaman chayamunami, nirkakuna.
EG/cg-k
Ashtawan Shuyukuna:
