Mamallakta Tantanakuyka kay Ecuador llaktapi Sistema Nacional de Inteligencia llikata wiñachinapak arinin

Martes, 10 de junio del 2025 - 16:41 Imprimir Elaborado por: Sala de prensa
Mamallakta Tantanakuyka kay Ecuador llaktapi Sistema Nacional de Inteligencia llikata wiñachinapak arinin

Kay awkarik, 10 puncha raymi killami, Mamallakta Tantanakuy hunta rimanakuypi Ley Orgánica de Inteligencia kamachiy rurana killkata arinirka, kay kamachiyka inteligencia shinallatak contrainteligencia paktaywanka Mamallaktapi kasiklla kawsayta wakllichik llakikunata ñawpashpa riksinapak, harkanapakmi kamanka.

kamachiyka 77 ari apushitaytami tawka wankurikunamanta paktatarka, shinaka Niels Olsen pushakuypi llamkashka ishkay niki arinishka kamachiymi kan, kayshina llakta kasikayta sinchiyachinkapak.

Inés Alarcón, llamkaywillayta riksichik shinallatak Seguridad Integral minkarishkata pushak, nirkami kay kamachiyka inteligencia paktachinapak kamay katinata shinallatak pakta chayanatami riksichin, runakunapak hayñita pakta katishpa shinallatak llaktayuk chaypikanata chaparashpapish.

Nirkapashmi, kay kutinmi, Ecuador llaktaka pushakkuna akllashkata, kayta rikunapak akllashka minkarishkata shinallatak, kayshina rikuykuna paktanapak, imashina kuchulla suyu llaktakunapia shinallatak allpapachapipash tiyakshina chapayta charinka,

"Kay kamachiyka llakta kawsaywan paktarishkami shinallatak utkashpa willaykuna tantachinata yanapan ashtawanka mamallaktapi llakikuna rikurina ñawpa riksinapak, harkanapakmi pakta yanapanka", nirkami.

Kay kamachiy arinishkawanka, Ecuador mamallaktaka, kay kutinmi, shuk Sistema Nacional de Inteligencia llikata shinallatak katik llikakunapi policial, militar, shinallatak kullkimanta, llamkaykullkimanta, Casa Militar Presidencial, llaktapak manukullkimanta, kipi rikuykunamanta, wanachina wasimanta, kawsaypi yanapak wasimanta shinallatak Daniel Noboa Azín llakta pushak mañashkapash kimirishkatami charinka.

Arinishka kipaka, kamachiy rurana killkataka Llakta pushakpakman kachanka kaypi rikushpa arinichun.

CV/cg-k

Ashtawan shuyukuna:

 

CONTINUACIÓN DE LA SESIÓN N.º 007 DEL PLENO DE LA ASAMBLEA NACIONAL. ECUADOR, 10 DE JUNIO DE 2025

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador