Mamallakta Tantanakuypak wasi ukupi, Pushak, Niels Olsen, "Dr. Vicente Rocafuerte" unanchata Ecuador llaktapi kawsaytarpuypi shinallatak llaktapipash yanapashkamanta Jaimen Jarrín runaman chayachirka, payka pukllayta willashpa shinallatak castellani shimita rimak ayllukunaman istallaktapi willashpa llamkashkamanta.
Unanchata chayachishpaka, Niel Olsen nirkami "Jaime Jarrín runaka béisbol pukllaytalla mana riksichirkachu, ashtawanpash kikinkayta shinallatak kay latinoamérica llaktamanta hunu hunu ayllukunapak kawsaytami paypak rimashkawan sapiyarka".
Kay rimanakuypika Andrés Guschmer kamachi killkak rimarirka, payka Jarrin runapak kawsayta shinallatak Dodgers de los Ángeles pukllakunata riksichinapak akllashka sukta chunka watakuna yallita paktashkata, shinallatak Ecuador llaktapak kawsayta tarpuyta allpa pacha llaktamana chayachishkatami riksichirka.
Jaime Jarrin, Cayambe kitipi 1935 wata wacharirka, kay Hatun Pukllaykunatami español llaktapi willak kashka, shinallatak paypak llamkayka Salón de la Fama del Béisbol y el “Dodger Ring of Honor” wasi ukupi riksishka kashka.
Kay ruraywanka, Mamallakta Tantanakuyka sinchita llamkashkamanta shinallatak pakta yachaywan, Ecuador llaktayuk kashkata istallaktakunapi riksichishkamantami riksichishpa unancha chayachin.
AMJ/cg-k
