Mamallakta Tantanakuyta pushak, Niels Olsen, kay kullka 12 puncha raymi killami Revolución Ciudadana (RC) shinallatak movimiento RETO wankurikuna acción de protección mañayta chayachishkamanta arinishkata paktan.
Santiago Altamirano kamakmi kay huchachiyi mañayka mana paktarinchu nishpa wakichishka, kaypika hayñikuna wakllichiy mana rikurinchu shinallatak ruraykunaka kamachiy awllipimi katina kan nishpa.
Kay acción de protección mañayka Olsen pushan kay Ley Orgánica de la Función Legislativa kamachiypi rikuchishkata llakta wankuriykuna riksinapak paktachishkamanta kallarirka. Chaymantami, 18 kamachi killkakkuna RAúl Chávez kamachi killkak ñawpashkawan mutsurishkata mana paktarkakuna, shuk llaktay wankurimanta kashka shina, kayshina Consejo de Administracion Legislativa (CAL) wankuriyman paktarinapak.
Ñawiriypika, Mamallakta Tantanakuypak procurador kamak, Mercedes Mediavilla, kay huchachiyka mana paktarinchu, kamachiy awllipi kay CAL wankuriman yaykunaka Mamakamachiywan ukllashka hayñi mana kanchu. Nirkapashmi, mamakamachiypak kamakkunaka Kamachiy awllipak yuyaypaktarishkata mana rikuy ushanchu kay Mamallakta Tantanakuyka kikinmanta llamkak kashkamanta.
Shinallatak, RC wankurimanta kamak, Lorena Correa, CAL wankuripi rimarinapak akllarishkakuna anchuchishpa shuk mushuk rimanakuyman kayachishpa Revolución Ciudadana wankurimanpash rimachun kayachina nirka.
Altamirano kamakka tukuy rikuchishkakunaka mamakamachiy paktanata mana kanchu shinallatak ima chimpapuray tiyakpia Mamallakta Tantanakuy ukupimi allichina kan, nirka.
AMJ/cg-k
