Kay Relaciones Internacionales Minkarishka pushak, Lucía Jaramillo kamachi killkak, memorando Nro. AN-PR-2025-0140-M killkawan, Mamallakta Tantanakuyta pushak, Niels Olsen, kay Ley Orgánica de Movilidad Humana kamachiy mushukyachinapak 90 punchakuna mirachishpa arinishkata shinallatak Mamallakta Tantanakuypi shukniki rimanakuypak llamkaywillayta chaskirka.
Mañayka paktarinmi kay 8 mushukyachinapak mañashka, yallik 19 puncha panchi killa 2025 wata tantachishka killkapika, 77 nikikuna, 3 tukuy rikuchishka, 4 ashapaklla churashka, 1 anchuchishka, 1 puchukay shinallatak mushuk 8 killkata kimichishka, chaymantami minkarishkakunaka llaktayukman riksichinapak shinallatak llamkayta yachaywan paktarinapak pachakuna mirachichun mañarka.
Pachakuna mirachishkata riksishka kipa, kay Ley Orgánica de la Función Legislativa kamachiypak 58 niki killkapi kimirishpa paktarishka, kamachi killkakkunaka utkashpa llamkashun, ayllukuna purinakuyka wakllirinalla ayllukunapak shinallatak Ecuador llakta ayllukuna istallaktapi kawsakukpak utkashpa rikuna kashkamanta.
Kay Jhonny Lavayen shinallatak Bertha Vélez kamachi killkakkunaka minkarishkakunapika istallaktapi kawsakkuna mutsushkata mañashkata shinallatak paykunapak hayñikunata kutin chayrinapakmi llamkan kan, nirkami.
Shinallatak Ledy Zúñiga runaka llaktayukta shinallatak wasi ayllukunata uyankapak kuskata paskanapak shinallatak llakta kasiklla kawsanapakka Ecuador llakta saywata, wampak shanata sinchiyachinapak mañarka.
Rimanakuy puchukana ñawpaka, Jaramillo pushakka istallaktapi purikukkuna wakllirinalla kashpaka kay kamachiy utkashpa yanapachun uyashkami kana kan.
CV/cg-k
