Pusak ari apushitaywan, Desarrollo Económico Minkarishka kay Ley Orgánica de Innovación y Fortalecimiento de la Gestión Pública kamachiy rurana killkapak llamkaywillayta arinirka, Ley Orgánica de Integridad Pública shutiwan. Kay kamachiyka llaktapi llakichiyta anchuchinkapak shinallatak Llaktapaka llamkakkuna alli paktarichun shinallatak llaktayuk mutsushkapi pakta chayachichun yanapachunmi sumaychanka.
Apushitaypak ñawpaka, Valentina Centeno kamachi killkakka nirkami kay kamachiyka llakichiyta chimpapuranapimi yanapanka tukuy paktarikunata chimpanchish churashpa.
Centeno nirkami kay kamachiy ruranaka shuktak kamachiykunata mushukyachinka, kaypika talento humano taripay paktanata mañanapak, kamak runakuna pakalla willayta riksichikpi wanachinapak, kallari taripay ñawpa, llaktapak yanapaykuna utkachun, shinallatak shuktak ruraykunapash.
Rimanakuy paktaypika, kamachi killkakkunaka llaktapi llamkay pushay mushukyana, achikyana, utkachinata, kamachiypi pakta yuyay charinata, economía popular y solidaria kimichinata, wamrakunata wanachina mutsurishkatapash rimarirkakuna.
Kay Ley Orgánica de Integridad Pública reforma la Ley Orgánica del Sistema Nacional de Contratación Pública kamachiyka, yuyaykunamanta, rurakmanta, paktanamanta, kullkimanta shinallatak chapay paktanamanta. Ashtawanka, Registro Único de Proveedores (RUP) wankurinapi kimirinapak mutsurishkata shinallatak chayanatak kashakta mushukyachinkapak, llaktawan llamkanapak ruraykunata ashayachinamanta shinallatak llikapankapi shutikuna charinamanta, llikapankapi subasta inversa paktanamanta, mishanakuymanta, ashalla kullkiwan mintalanamanta, charinata rantinamanta, mintalana riksichinamanta, shuktakmantapash yuyarinakushkata rimanakunkakuna.
Kay precontractuales paktarikuna, huchachiy mañaykuna shinallatak kay kamachiy paktarinaman yaykuna ñawpa llamkayuyarishka katinakuna, riksichishka nakashpa killkarishkakunapash.
Shinallatak, kamachiy rurana killkaka kay kamachiykunatami mushukyachinapak rikuchin: Ley Orgánica del Servicio Público (LOSEP), Código Orgánico Monetario y Financiero, Código Orgánico Integral Penal (COIP), Código de la Niñez y Adolescencia (CONA), Ley Orgánica de la Contraloría General del Estado, Ley Orgánica de Solidaridad Nacional, Código Orgánico General de Procesos (COGEP), Código Ingenios, Código Orgánico Administrativo shinallatak Ley Orgánica de Empresas Públicas kamachiypash.
AM/cg-k
Ashtawan Shuyukuna:
