Kay Consejo de Administración Legislativa (CAL) wankuriy, 004 niki rimanakuypi, Ronal González kamachi killkakta 60 punchakunata killa kullki harkachina wanachiy paktanata yuyarirkakuna, kay Ley Orgánica de la Función Legislativa (LOFL) kamachiypak 171 niki killkapi rikuchishkata shinallatak Trámite de las Faltas Administrativas uchilla kamachiypak 6 niki killkata paktachishpa.
Yuyaypaktariymanka tukuykunami kimirirka shinallatak LOFL kamachiypi rikuchishkata pakta katishkami, kaypika imamanta, imalla rurashka shianlaltak Diána Jácome kamachiy killkak huchachishkatapash rikushpami paktarirkakuna, shinallatak kay ñawinchiypika Ronal González kamachi killkak mitsarishkatapash chaskishka kipami arinirkakuna.
“Pakta yuyawanmi kani, paktarikuk kamachiyta katishpa, kay yuyayka alli llamkayta charinapakmi shinallatak tukuy llamkaykuna pakta sumaychashka kachun", kashnami Niels Olsen, Mamallakta Tantanakyta pushak, nirka.
Kayshina wanachiyka Mamallakta Tantanakuy llamkay kallarishkamanta shuk wanachiymi, hunta rimanakuy paktanata harkashkamanta, kay llamkay kallarishkamanta.
Kay wanachiyka paktarishkami kay yallik 26 puncha aymuray killa, kaypika, huchachiyta chayachikpak rikuypika, "González runaka Mamallakta Tantanakuypak wasi ukupi shuk rimay mirachik antawan sinchiy rimaykuyta paywan llamka ayllukunaman chayachishkamanta".
CV/cg-k
