Mamallakta Tantanakuypak Juan Montalvo pampapimi, kay chillay 18 puncha raymi killami, Ecuador mushuk Mamallakta Tantanakuy, Niels Olsen pushakuypi kay Relevo de Guardia de la Escolta Legislativa raymi paktarirka.
Kay raymimanka Kamachiy Awllita hatun pushakkuna: Niels Olsen, pushak; Mishel Mancheno shinallatak Carmen Tiupul, shukniki shinallatak ishkayniki kipapushakkuna. Chayamurkapashmi Ariana Tanca, ministra de la Mujer y Derechos Humanos, Gian Carlo Loffredo, ministro de Defensa Nacional shinallatak Llaktapi tawka pushakkunapash chayamurka.
Rimarishpaka, Mamallakta Tantanakuyta pushakka nirkami "Ecuador llaktaka ayllukuna mutsushkata pakta kutichik Mamallakta Tantanakuytami charin. Kay llamkaywasika Llakta pushakpak llamkaywan antawakuyukshina makipurashpa llamkakman yallishka".
Kay Ley de Solidaridad Nacional kamachiymantaka, Mamallakta Tantanakuymi kay yallik 7 puncha raymi killa arinirka, chaywanka "Llakta kasiklla kawsachun llamkakkunaka pakta kamachiytami charinka kayshina llaktapi llakikunata shinchi shinchita chimpapurankapak".
Chaymanta rimashpaka, coronel de Policía de Estado Mayor, Roberto Santamaría, comandante de la Escolta Legislativa pushakka, nirkami, "llakikunata pakta chimpapuranapakka sinchi kamachiytami wakllirishkata ukllanapak shinallatak llakichikta wanachinapak mutsun". Chaymantami mushuk Mamallakta Tantanakuyta yupaycharka llakta pushak, Daniel Noboa Azín, utkashpa ruranapak chayachishka killkakunata pakta yanapashkamanta.
Kay raymipika shinallatak capitán de la Policía Nacional Otto Torres Carrera runa wañushkamanta unancharka, payka 57 watakuna ñawpami Escolta Legislativa chapakkunata shukniki pushakta akllarkakuna. Payta yuyarishpa shinallatak 29 chapakkuna paykunapak llamkaypi tantanakushpa llakichikwan chimpapuraypi, kay wata kallari sukta killapi wañushkamanta, kay Toque de Silencio paktariyta rurarkakuna.
Kay raymimanka Universidad Politécnica Salesiana wasipi yachakukkuna, Unidad Educativa Proyecto Salesiano yachana wasipi yachakkuna chayamurka, paykunaka raymipi karkakuna, kayshina kamachiy awllipi llamkay imashina paktarishkata riksishpa kimirishpapish.
CV/cg-k
Ashtawan Shuyukuna:
