Mamallakta Tantanakuyka, 81 ari apushitaywanmi Llakta pushak kay Ley para Garantizar los Derechos Laborales de las Personas con Discapacidad, Enfermedades Raras o Catastróficas kamachiy rurana killkata, chaypak rantitapash allichinaman kachashkata arinirka.
Ecknner Recalde kamachi killkakka nirkami kay kamachiyka wiñayta wakllirishka ayllukunata ukllak kamachiymi kan, shinallatak allichinaman kachashkata ariniyka ñawpakman purishkami, kamachy rurana killkapak ukun yuyayta mana chinkachishpa.
Llakta pushak allichinaman kachashkapika kamachiy pakta kachun shinallatak llaktapi chani tukuchina kamaypi kachun, mamakamachiywan waktarik niki killkakkunata anchuchishpa allichinata mashkakun. Shinallatak, llamkakta yanapay yuyayta, kamachiy paktarikukpi kimirishpa llamkaypi katichunmi yanapan.
Ashtawanka, shuktak kamachiykunapi rikuchishka haylli ama kutinpash rikurinta chapan shinallatak llamkayman paktanapak tukuy achiklla kachunmi, llakta llamkana wasikunapash kallariman mutsushpa llamkayta rikuchunmi mañan. Tantachikyuyaypika, puchukay killkaka llamkaytami ukllan, mamakamachiypi rikuchishkata chaparashpa shinallatak paktarinapak purinaklla kashkata rikuchishpapish.
Kay kamachiy mushukyachishkawanka tisiku shinallatak wiñaypak unkuyta charik ayllukuna pakta alli, kimichik shinallatak chayshinallatak llamkay charinatami chaparan, kay llamkayka llaktapak llamkaywasikunapi shinallatak shukllapak llamkay wasikunapimi paktarinka.
Kay kamachiyka llamkaypi millashkata shinallatak chikanyachiytami harkan ashtawanka pakta pakta llamkay charinata, kimirinata shinallatak kayshina ayllukunata llamkayman kallaripi akllanatami rikuran, Ecuador mamakamachiypak 47, 48 niki killkapi rikuchishkata katishpa.
Kamachiy paktariyka llaktapak shinallatak shukllapak llamkaywasipimi paktarinka. Kunanka kamachiy mana tiyan nishpa mana harkay ushankachu, shinallatak ima kamaykuna chimpapurayman chayakpipash chikanyachinmi.
Shamuk pachakunapika, tukuy killka kamutaka willachishka kachun Kamachiy Kipukman chayachinka.
Kay rimanakuypika, kamachi killkakkunaka nirkami llamkayta charishpa katinatami sumaychan, kayshina llaktawan llamkay paktanapak tukuy hayñikunata kay ayllukunapash paktarichun, shinallatak manu kullki paktarinatapash mana mirachishpa. Shinaka llamkayta charishpa katinata, paktarinatami chayachin, shinallatak wakinpika wakllichina yuyay tiyashkatapash ashayachishpa anchuchin, nirkakunami.
RSA/cg-k
Ashtawan Shuyukuna:
