Kay 23 punchamanta 29 punchakama hunkapi 2025 wata, Mamallakta Tantanakuyka tawka llamkaykunapi paktarinapak yuyarishka, Ley Orgánica de Integridad Pública kamachiyta ishkayniki rimanakuypi. Llakta pushak kullkimanta utkashpa ruranapak chayachishka, kaypika llaktapi pakta llamkay alli kachun, utkarichun, achiklla paktachunmi yanapan, ashtawankarin wakllichiyi llakichiypash illaklla kachunmi kaman.
Chaykamaka, tawka yachak minkarishkakunami tawka kamachiy rurana killkata riksinapi llamkashka katinkakuna.
Hunta Rimanakuy
Kay awkarin 24 puncha, raymi killa, 15:00 pacha chishipakmi, 013 rimanakuyman kayachsihka, kaypika Integridad Pública kamachiyta kullkimanta utkashpa ruranapak chayachishakta ishkayniki rimanakuypi riksinkakuna.
Kay Desarrollo Económico Minkarishkakunaka, paykunapak llamkaywillaypika, integridad pública paktayka llakichiyta chimpapuranapak, llaktapak llamkaywasikunapak llamkayta riksirinapakmi kan ninmi.
Llaktawan llamkanapak rikuchik yuyaykuna.
Llaktayukta yanapayta sinchiyachina.
Llakta mañariyta tukuymanta rikuna, hawalla llakipi ama harkarinkapak, ashtawanpash ukumantatak allichinkapak.
Wawakunata llakichik llikata chimpapurashpa anchuchinkapak.
Ishkayniki rimanakuypak llamkaywillaypika, minkarishkakunaka shukniki rimanakuypi rikuchishka yuyaykunata shinallatak tawka pushakkunapak, llaktapak shukllapak llamkaywasi pushakkunapak yuyaykuantami tantachirka.
Minkarishkakuna.
Ñawinchiy shinallatak LLaktay Chapaypash.- Kay awaki 23 puncha raymi killa, 08h00 tutamantami, doctor José Suing, kay Corte Nacional de Justicia tantanakuy pushakta, shinallatak doctor Wilson Toainga, fiscal general del Estado runata chaskinkakuna, kaypika kamakkuna paktachiypi llakikuna tiyashka nishkamanta riksichichun, kay Ecuador llakta ukupi chimpapuray tiyashkamanta.
Justicia y Estructura del Estado Minkarishkakuna.- 15:00 chishimanta kay awaki 23 puncha raymi killa, minkarishkakunaka Código Orgánico de la Función Judicial kamachiy mushukyachinata kutin rikushpa kallarinka. Chaypakka, Mariana Yumbay kamachi killkakta chaskinka, payka kay kamachiy imalla mushukyachinapak rikuchishkatami willanka.
Shinaka, Mamallakta Tantanakuyka achikllakanapak, utkachinapak shinallatak llaktaypi pakta llamkay katinapak rikuykunapimi katinkakuna.
EG/cg-k
