Kay rimanakuypi pusak kamachi killkakkunawanmi, Desarrollo Económico Minkarishkapi kay Mamallakta Tantanakuypi ishkayniki rimanakuypi riksinapak puchukay killkata, kay Ley Orgánica de Integridad Pública kamachiyta arinirka, kay kamutaka Llakta pushak, Daniel Noboa Azín, kullkimanta utkashpa rurana nishpa chayachirka.
Kamachi killkakkunaman riksichinapak ñawpaka, Francisca Herdoiza, minkarishkapi yanapak, kay ishkayniki llamkaywillay killkapi imalla kimichishkata riksichirka, kaymi Ley Orgánica del Sistema Nacional de Contratación Pública; Ley Orgánica del Servicio Público kamachiykunata shinallatak kunanpi paktarikuk tawka kamachiykunatapash mushukyachin.
Herdoiza nirkami kay kamachiywanka shuwayta, llakichiyta shinallatak llaktapi pakta llamkaytami sumaychanapak mashkakunchik nirka. Ashtawanka Sistema de Contratación Pública llamkayta shinallatak llamkayta charishpa katinapak imalla ruraykuna paktashkata, tarishkata shinallatak yachaywan rurashkatai ashtawan ñawpakman apanapak kimichikunchik, nirkami.
Kimichishka yuyaykunamanta rimashpaka nirkami: kamak kamachik runakuna prevaricato llakipi urmakpi llakimi nishpa riksinapak, kay Código Orgánico Integral Penal kamachiyka; tukuy llaktapak llamakywasikuna chapakkunata yachachinapak charishkakunataka, Universidad de Seguridad Ciudadana y Ciencias Policiales yachana wasiman, 180 punchakuna ukupi chayachina kan; shinallatak llaktapak tukuy llamkaywasikunami paykunapak llamkakkunata taripashpa imashinalla llamkay paktanapak kamachiyta allichinkakuna.
Shinallata kay Ley Orgánica de Transporte kamachiy mushukyachinamanta, antawakunawan ima llakikunata tantachinamanta, kaypika tantachishka kullkika antawakunata rantinapak shinallatak allichinapaklla kachun, shuktak yuyaykunapashmi churashka.
Sergio Peña kamachi killkakka, kallari hatun yuyaymanta rimashpa, kamachiyka kay hatun yuyayta mana wakllichinchu nirka; Ecuador llaktapi shuwaykunata llakichiykunata anchuchina shinallatak llaktayukkunatami wakllirinamanta anchuchina kan.
Shinallatak Diego Franco runaka nirkami "kay kamachiyka runapak kawsayta rikukmi shinalaltak llakta llamkaypi llakichikta ukumanta anchuchinapakmi yanapan shinallatak Llaktapak ayllukunata yanapakmi kan".
Por último, la legisladora Valentina Centeno, presidenta de la comisión indicó que el informe aprobado será remitido al presidente de la Asamblea Nacional para que convoque al debate parlamentario dentro de los plazos establecidos en Ley Orgánica de la Función Legislativa.
Puchukaypika, Valentina Centeno kamachi killkak, minkarishkata pushakka nirkami arinishka llamkaywillaytami Mamallakta Tantanakuyman chayachinapak chayachishun kaypi tukuy kamachi killkakkuna Ley Orgánica de la Función Legislativa kamachiy rikuchishka pachakunapi allichirichun, nirkami.
CV/cg-k
