Desarrollo Económico Minkarishkapi, kamachi killkak shinallatak Mamallakta Tantanakuyta pushak, Niels Olsen, kay Ley Orgánica de Recuperación de Áreas Protegidas y Promoción del Desarrollo Local kamachiy rurana killkapak yuyaykunata chayachirka, kamachiy rurana killkata Llakta pushakmi chayachirka. Rikuchishka yuyaykunaka chuskupi rakishkami kan: Llamkaywasimanta, llamkaykullki paktarinamanta, llamkaywasipuraymanta shinallatak kasiklla kawsaymantapash.
Nirkami, llamkaywasi paktarinamantaka, shuk mushuk kikinmanta yachaywan llamkak Sistema Nacional de Áreas Protegidas wankuriyta wiñachina, paykunaka kamayta charichun, wanachichun shinallatak kullkillamkaywanpash paktarichun, nirkami.
Llamkaykullkimantaka, shuk Fondo Nacional para la Gestión Ambiental wankurita wiñachina, kay wasika manu kullkimanta, mintalaymanta sakishkamanta, manukullki yanapaymanta bioeconomía paktarinapak churashkamanta shinallatak llakta riksichinamanta chaychun nirkami.
Llamkaywasipura yuyaymantaka, llaktapak tukuy llamkaykuna, kikinmanta tarishkakuna, kuchulla ayllullaktakuna, runa ayllu llaktakunapash makipurashpa llamkanata sumaychashpa kimichichunmi mañarka.
Puchukaypika, kasiklla kawsanamantaka, Policía shinallatak Fuerzas Armadas tantanakuykunaman pachamamata llakichiyta rikushpa pakta pakta chayachunmi ushayta wiñachin.
Olsen nirkami umachinkachikta mintalakkuna, chukita pakalla llukshichikkuna shinallatak ukllashka pachamamapi yaykurikkuna uyaychik nirka, 400 yalli hectáreas allpami kayshina llakichiypi wakllirishka nirka.
Nirkapashmi, llakta riksinaka pachamamata charishpa katinapak shinallatak wiñarinapakmi kana kan, kayshina riksinaman 1.4 hunu ayllukunami kay llaktamanta shinallatak ista llaktamanta watapi chayamunkuna, paykuna ukllashka pachamamatami riksinaman yaykunkuna.
"Kay kamachiyka mana rimakpak shimimi kan", ukllashka llaktapik yurakuna shinallatak wiwakunapashmi kawsan nirka. Ashtawanka, kay kamachiymi kayshina ukllayta ashtawan sinchiyachinapak yanapanka, nirkami.
RSA/cg-k
