Mamallakta Tantanakuyka Niels Olsen pushakuyta sakichun mañashkataka 83 mana arinishka apushityawanmi mana arinirkachu, mañaytaka Luis Molina kamachi killkakmi, kay 013 niki rimanakuypi, kay awkarik 24 puncha raymi killa 2025 watapi chayachirka. Pushaymanta anchurichun mañaytaka Ley Orgánica de Integridad Pública kamachiy rurana killakta ishkayniki rimanakuy ukupimi paktarirka.
Molina nirkami Orgánica de la Función Legislativa (LOFL) kamachiypak 62 niki, pusak millka kamachiytami mana pakta katishka, Andrés Castillo kamachi killkak mañay chayachishkata arinishpa, payka chaypachallatak kimichinapak mañarka, Desarrollo Económico Minkarishkaman mana chayashpa, llamkaywillaypak tawka mushukyaykunamanta.
Rimarishpaka, Niels Olsen kamachi killkakka Mamakamachiypak 140 niki killkapi shinallatak LOFL kamachiypak chusku millka killkapi kimirishpa paktarishkata riksichirka. "Mamallakta Tantanakuyka kaypi hunta kamachi killkakkunata tapuy ushanmi, kullkimanta utkashpa rurana kamachiyta ari mana mushukyachinata kamay rurana paktanawan mana waktarishpa", nirkami.,
"Pushaymanta anchurichun mañayka tantanakushka llakichikta utkashpa chimpapuranapak mana arinichunmi mashkakun", kashnami rimay puchukaypi nirka.
Kamachiy killkak Olsen rimay puchukakpika, minkashka pushakuk, Mishel Mancheno, apushitayman kayachirka, Yupaykunata rikushka kipaka, 60 ari, 83 mana nishka shinallatak 4 mana apushitashkawanmi Olsen kamachi killkakka rimanakuyta pushanaman tikrarka, Mamallakta Tantanakuyta pushakshina kutinpash arinishkawan.
CV/cg-k
