Ñankunamanta llakita anchuchinkapak, llaktapak llamkaywasipi tukuy paktayman llakichiy chayashkata chimpapuranapak, llaktayukta pakta yanapaytapash charishkawan yachashkawanpash alli chayachinkapakmi, Mamallakta Tantanakuyka 84 ari apushitaywan kay Ley Orgánica de Integridad Pública kamachiy rurana killkata arinirkakuna, Llakta pushakmi kullkimanta utkashpa rurana nishpa chayachirka.
Tukuy arinishka killkapika Andrés Castillo kamachi killkak mañay chayachishkatami kimichin, kay yuyaykunami: Banco Central del Ecuador paktarikushka yupayta; mamallaktaman chayamuy harkanata shinallatak llukshichishpa kachanatapash; llakta ukupi atirnakuymanta istallaktaman tikrachina; shinallatak Junta de Política y Regulación Financiera y Monetaria tantariman yaykuchun shutichinapash.
Kamachiy rurana killkaka chusku hatun yuyaytami charin: Llaktawan llamkanapak; llaktapak llamkaywasikuna sinchiyanapak; tukuy llamkay paktarinapi; shinallatak llaktapi wawakunata wakllichik llikakunata anchuchinapak.
Kallaripika, Valentina Centeno kamachi killkak, llamkaywillayta riksichik, mutsurishka kamachiymi kan, paktarinalla shinallatak mama tiyashka kamachiy, 20 kamachiy killkakunatami mushukyachin, shinaka kawsayta shinallatak runakuna pakta kana ukllanapakmi kan. "Pakta, achiklla shinallatak riksinaklla Ecuador llaktata charinapak maskaypi shuk tatkimi kan. Shuk willayta chayachin: kay llaktapika shuwakkunapak shinallatak llakichikkunapak raymimi tukurin", nirkami.
Shinallatak, kasiklla kawsanapak mutsurishkata, kamak ukupi utkashpa yaykunamanta, istallakta ayllukuna llakichikpi paykunapak llaktaman tikrachinapak; wichkanawana wasipi yallitak kawsana rikunamanta, llaktapak llamkakkunata taripanamanta shinallatak llaktawan llamkanapak yuyaypaktarinamanta.
Chunka kamachi killkakunami rimarirkakuna, paykunaka kay yuyaykunamantami rimarka: kamak runakuna prevaricato paktakpi wanachinamanta; llaktawan llamkaypaktanapak llaktayuk chayachinamanta; 15 watayuk wamrakuna llakichikpi wanachinamanta; kamakta utkashpa rikunapak shutichishka; tantarishpa llakichikkuna wamrakunata ama kimichichun; Banco Central kullki yupay chayachichun; economía popular solidaria tantanakuyta mintalaypampawan yanapankapak; shinallatak Registro Único de Proveedores killkata chuyayachinamanta, shuktak yuyaykunapash.
Kay kamachiy rurana killkaka llaktawan yuyaypaktarinapaklla mana kanchu, ashtawan karumanmi chayan, llakichiyta imashina paktarishkamanta riksishpa chimpapurankapak, llakta punchanta kawsayta tukuymanta riksishpa paktarinapak.
AM/cg-k
