Kay Corte Constitucional tantanakuy, kay Furukawa llamkaywasipi mushuk esclavitud rikuymanta chayachishka Sentencia No. 1072-21-JP/24 killkata riksishka kipa, Mamallakta Tantanakuyka, tukuykunami (143 ari apushitaywan), 21 puncha sasi killapimi watan watan Día Conmemorativo de las Víctimas del Sistema de Servidumbre de la Gleba shutiwan yuyarinakuna, kay punchaka Fukurawa llamkaywasipi kay mushuk punchakuna esclavitud llakichiy rikurishkamanta.
Kay punchataka runapak kikin kawsayta kay mushuk punchakunapi wakllchishkamanta yuyarinapakmi kan, kayshina yuyarinakuyka kashna llakikuna ama kutinpash tiyachun shinallatak llaktayuktapash ama llakichichunmi kan. Kay yuyarinakuyman chayashkawanka Corte Constitucional tantanakuy chayachishka killkata paktachishkami, kayshina yuyarinakushkawanka runa ayllukuna shinallatak llaktakunata wakllichishkata shitarinapak shinallatak llakikuna ama tiyachun unanchanapakmi.
Yuyarinakushka killkapika, 10 punchakuna ukupi, Corte Constitucional tantanakuyman shuk llamkaywillaypi shinallatak kamay rikuchishka paktashkata willachunmi rikuchin, kayshina kay mañashkata paktashkata kutichishkata willachun.
Kay Derecho al Trabajo y a la Seguridad Social Minkarishkata pushak, Ecknner Recalde kamachi killkak, paymi shutichinapak mañayta chayachirka, nirka kayshina yuyarinaka tukuyshina esclavitud llakichiyta shitarinapak shinallatak ama tiyachun unanchanapakmi kan. Shinallatak, kay Corte Constitucional tantanakuypak sentencia killkapika. 1963 watamanta 2019 watakama 300 allukunata shinallatak llaktayukkunatapash esclavitud llakipi charishpa paykunapak llamkayta mana riksishkamantami, kay llakipika llakta pushakkuna upallashka paykunawan kimirishkami rikurin, nirka.
Nirkami kay llakikunapika runakunatami wakllichishpa llakichishka, ashtawanka afroecuatorinas ayllukuna, paykunaka kay hatun llamkay wasi allpakunapimi llamkashpa kawsashkakuna, kawsanapak mutsushka illaklla shinallatak runa kawsaypakpash tukuy illaklla.
Paymantaka, Paola Cabezas runaka nirka kayshina sentencia yuyaypaktariyka llamkakkuna sinchita mana shaykushpa paktashkamantami kan, paykunaka runa kashkamanta chikanyachishka kawsarkakuna nirka, shinaka sapimantami kay esclavitud llakita shinallatak servidumbre de la gleba wakllichiytapash sapimanta anchuchina kan nirka. "¡Furukawa nima pacha!, nishpami puchukarka.
Kay Bloque de Seguridad Riksirishka.
Rimanakuy kallarina ñawpaka, Mamallakta Tantanakuyta pushak, Niels Olsen, kay bloque de seguridad tantanakuy llamkashpa, Adolfo Macías Villamar runa, "Fito" shutichiyarishkata katikhapishkamanta makipi waktachun mañarka, kayshina llamkayka Manta, Manabí markapimi awkakuna, kay chillay 25 puncha raymi killa 2025 wata katik hapirkakuna.
RSA/cg-k
Ashtawan Shuyukuna:
