Kay 30 puncha raymi killamanta 6 puncha sitwa killakamaka Mamallakta Tantanakuyka kay Ley Orgánica para el Fortalecimiento de Áreas Protegidas y Desarrollo Local kamachiy rurana killkatami shikniki rimanakuypi riksinkakuna, kay killkataka Llakta pushak, Daniel Noboa Azin, kullkimanta utkashpa ruranapak nishpa chayachirka, Desarrollo Económico Minkarishkapi llamkaywillayta arinishka kipa.
Shinallatak, tawka yachak minkarishkakunami kamachiy rurana killkakunata kutin riksishpa katinkakuna, shukniki nakashpaka ishkayniki rimanakuypak llamkaywillayta allichinapika, yuyaykunata, rikuchiykunata shinallatak pushakkuna, llamkakuna, yachachikkuna, llaktayukkunapash mañashkatami kimichinkakuna kayshina Mamallakta Tantanakuy ukupi riksichinkapak llamkaywillayta allichinkakuna.
Hunta Rimanakuy
Kay hunkaypika, Mamallakta Tantanakuyta pushak, Niels Olsen, kay Fortalecimiento de Áreas Protegidas y Desarrollo Local kamachiy utkashpa ruranapak chayachishakta shukniki rimanakuyman kayachinka, kay kamachiyka tawkasami kawsayta shinallatak kawsaypachatapash charishpa katinatami sumaychanka.
Kay Desarrollo Económico Minkarishka, paypak llamkaywillaypika, Llakta pushak kay Servicio Nacional de Áreas Protegidas (SNAP EP) ushaytami, llaktapak llamkaywasita shina wiñachinapak chayachin, kay ushaykunapimi paktanka: pushana, llamkayñan allichina shinallatak Llaktay maru Llikata makipurachiypi shinallatak kawsaypachata pushakkuna chayachishka rikuchiytapash wiñachina; yachay kamayta shinallatak rikuchiykunatapash kay Llika mutsushapak chayachina kay Código Orgánico del Ambiente kamachiy mañashkata katishpa; shinallatak kay Llika sinchiyachun llamkaykullkita chayachinapak ruraykunata sinchiyachina, shuktakkunapash.
Minkarishkakuna
Fiscalización y Control Político Minkarishka. Minkarishkakunaka ñawirikunata chaskishpa katinka, kamakkuna mana pakta yachaywan llamkashka nishka taripaypi, kay Ecuador llaktapi ukumanta atirinakuy paktaypi.
Participación Ciudadana Minkarishka. Kay Awaki 30 puncha raymi killa, kay Ley Orgánica del Consejo de Participación Ciudadana y Control Social (CPCCS) kamachiy mushukyachina ukupi, mañay chayachik, Franklin Samaniego kamachi killkak; Hernán Ulloa, kay minkarishkata ñawpapushak; shinallatak Gabriela Cadena, Comisión Ciudadana del Concurso para la designación del Defensor Público Minkarishkata ñawpa pushak.
Derecho a la Salud y al Deporte Minkarishka. Minkarishkakunaka awkarin shinallatak kulla punchami cáncer ancha unkuyta harkanapak yuyaykunamanta rimanakushka katinka.
Garantias Constitucionales Minkarishka. Kay Garantías Constitucionales, Derechos Humanos, Derechos Colectivos y la Interculturalidad Minkarishkakunaka awkarin 1 puncha sitwa killapimi rimanakunka, kaypika Ministerio de Inclusión Económica y Social, MIES tantanakuy kullki karashkata chayachishka willaytami chaskinka.
EG/cg-k
