"Urkukunapi kawsak ayllukunapak shutipi, pachamamata charishpa katinapak yanapak kamachiyta arinichun mañanchik", kashnami Olga Arango, kay Colectivo Comunes Páramo Salvaje tantanakuyta pushak, kay Ley Orgánica para la Conservación y Protección de Páramos kamachiy ruranapak yuyaykuna chayachiy pachapi.
Ñawirikka yaku wiñay ancha mutsurishkata rimarka, ashtawankarin urkupi kawsanapak, shinallatak urkukuna wakllirikpi kawsayta kutin charinapakka 100 watakuna yallimi mutsurin, nirkakunami.
Arango runaka kay Carchi, Imbabura, Cotopaxi, Chimborazo, shuktak markakunapipash rikurishkata rimarka, kaypika allichinami mutsurin, chikanyashpa pakta rikunami mutsurin, nirka.
Rikuy paktay ukupika, Fernando Jaramillo kamachi killkakka kamachi anchami mutsurin, ashtawankarin kay urkukunamanta yaku wiñak kashkamanta. Paymantaka, Manuel Casanova runaka Esmeraldas markapai llakikunamanta shinallatak sacha yurakunata anchuchishkamanta rimarka, kay llakikunamantami llaktayukkunaka shushtarishka kanchik, nirkami.
Flanklin Samaniego kamachi killkakka imalla paktarinakunamanta yuyaypaktarirka, tawka urkukunami ukllashka allpa kuskapi kan, shinallatak llakta allpakunata rikukkunapash imalla paktanata rimarka.
Chaykamaka, Carlos Cuesta kamachi killkakka, kay kamachiyta allichina ukupika, tawkamanta ruraykunawanmi makipurana kan. Kayshina yuyaypillatak, Christian Hernández yuyachirkami Mamakamachiyka pachamamapak hayñita riksirin ukllanpash, nirka.
Kay kamachiy rurana killkaka urukukunata charishpa katinapak shinallatak ukllanapak, wiñaymanta tiyashka pachata charishpa katinapak shinallatak ayllukuna chuyaklla pacha kawsayta charichun yuyaytami charin.
Kay chayachishka yuyaypika llamkayñankuna, ruraykatichiy, paktarikunapash urkuta charishpa katinapak tukuymanta chayashka allimi kan. Killkanikikunaka urkukunata charishpa, ukllashpa katinapakmi yanapan; harkaykuna shinallatak wanachiykuna; charishpa katinapak llamkayñankuna, allichiykuna shinallatak charishpa katinapak; urkupi kawsak ayllukunapak hayñikuna; llamkaykullki chayachina; shinallatak chaparana katiranapa ushaykunapash.
AM/cg-k
