Kay Mamallakta Tantanakuypak Transito Amaguaña wasi ukupimi Kamachi Awlli llamkanapak riksichik killkañanta willachirkakuna, kaymi Mamallakta Tantanakuy kay shamuk ishkay watapi llamkanata riksichin.
Riksichiy kallarishpaka, Niels Olsen, Ecuador Mamallakta Tantanakuyta pushak nirkami, "llamkanapak churashkawanka llaktakuna mutsushkata kutichinapak shinallatak tawka yuyaykunata makipurachishpa paktarinapakmi, shuk alli llaktata charinapak".
Kay rimanakuypika Mishel Mancheno, Carmen Tiupul, Mamallakta Tantanakuyta shukniki shinallatak ishkayniki kipapushakkuna, Sade Fritschi, Steven Ordóñez, Mónica Salazar, Samuel Célleri, CAL wankuriypi rimarukkuna shinallatak Mamallakta Tantanakuypi wiñaypak yachak minkarishkata pushakkuna.
Kamachi Awlli llamkanapak hatun yuyaykuna.
Llaktayuk kasiklla kawsanapak: Ecuador llaktata tantanakushpa llakichikkunata shinallatak tukuymanta llakikunata pakta chimpapuranapakka, kay Códigos Orgánicos kamachiyta; Integral Penal, de Seguridad Ciudadana kamachiyta; Seguridad del Estado y los Proyectos de Ley de Ciberseguridad kamachiyta; shinallatak Cuerpo de Vigilancia Penitenciaria kamachiyta mushukyachinapak.
Ayllukuna Wiñarinamanta: Llaktayukkuna yanapay pakta alli chayachun: Educación Intercultural kamachiyta; Educación Superior kamachiyta; Artista Ecuatoriano kamachiyta; Deporte kamachiyta shinallatak cáncer, niñez y adolescencia, pueblos y nacionalidades, seguridad social kamachiykunata, shuktakkunatapash mushukyachina.
Desarrollo Económico, Productivo y Sostenible Minkarishkakunaka: llamkayta, kullkiwan yanapayta, mushukyayta shinallatak mushuk llamkaykuna kallarichiytami kay Códigos; Monetario y Financiero kamachiyta; Planificación de Finanzas Públicas kamachiyta mushukyachinawan shinallatak Desarrollo de las Industrias Creativas; Protección y Defensa del Consumidor; Inteligencia Artificial kamachiy ruranawanka paktarinka.
Infraestructura, Recursos Naturales y Medio Ambiente Paktaykunapi: Llakta ancha mutsurishka charishkakunata allichinapak shinallatak pachamamatapash ukllashpa katinatami sumaychanka. Kayshina paktarinapakka Ley Orgánica de Territorios Ancestrales kamachiyta; Ley de Recursos Hídricos kamachiyta; Código Orgánico del Ambiente kamachiyta shinallatak Ley de Minería kamachiytapashmi mushukyachinka.
Llakta pakta llamkanamanta shinallatak Llakichikta chimpapuranapipash: Mamallakta achiklla llamkayta charichunka kuyuchina, riksina shinalaltak llachiktapash kati hapishpa wanachina, chaypakka leyes de la Contraloría General del Estado kamachiyta, Función Legislativa kamachiyta shinallatak Códigos Orgánicos de la Función Judicial kamachiyta; Administrativo; General de Procesos kamachiyta, shuktak kamachiykunatapash mushukyachinka.
CV/cg-k
Ashtawan shuyukuna:
