Kay Régimen Económico Minkarishkakunaka, chunka ari apushitashkawanmi, Consejo de Administración Legislativa (CAL) wankurita kamachiy rurana killkapak kanchis kamukunata, kay Ley Orgánica del Sistema Nacional de Contratación Pública kamachiy mushukyachinapak tantachichun mañarka.
Kay kamachiy ruranapak killkakunata Esteban Torres shinallatak Gabriela Molina kamachi killkakmi chayachirkakuna shinallatak ñawpamanka Pierina Correa, Alejandro Jaramillo, Xavier Jurado, Marcela Holguín, Rodrigo Fajardo kamachi killkak kashpa runakunapash chayachishka karka.
Shinallatak, kay minkarishkapika Ley Orgánica del Sistema Nacional de Contratación Pública kamachiy mushukyachina killkata Marco Troya kay yallik 12 puncha raymi killa chayachishkatapash kaypi riksinapak kimichirkakuna.
Kayshina tantachiyka Ley Orgánica de la Función Legislativa kamachiypak 58.1 niki killkapi rikuchishkata paktashkami kan, kaypika kari warmi minkarishkata pushakkunaka, ishkayniki llamkaywillayta arininapak ñawpaka, CAL tantanakuymanka shuk minkarishkapi kamachiykunata allichinapak llamkakupi kayshinallatak yuyay killkakunata shukllapi tantachinapak mañay ushanmi nin.
AM/cg-k
