"Hatun mushukyaykunaka chayshinallatak muskuykunata shinallatak paktanakunata mashkakwan purishpami wiñachina kan", Niels Olsen, Mamallakta Tantanakuyta pushakka, Istallaktamanta Cuerpo Diplomático shinallatak Istallakta Tantanakuykuna kay Ecuador llaktapi 60 minkashka yalli ayllukunawan rimanakuyta kallarishpa, nirka.
Rimanakuy paktakukkpika, Kamachiy Awllita pushakka nirkami, "Kunapika Ecuador llaktaka mana riksishka llakichiytami chimpapurakun", chaymantami istallaktawan makipiranapak yanapayta mañakun shinallatak Mamallakta Tantanakuypak llamkayrikuchik ñanpi kimirishpa Ecuador llaktayukkuna utkashpa mutsushkata chimpanchiknapak.
Llaktayukkuna kasiklla kawsana; llaktayukkuna wiñarina; kullkillamkay shinallatak llamkaykunapash; wasichinakuna, pachakawsay shinallatak pachamama charishkapash; Llakta pakta utkashpa llamkay, kaykunami llamkaywan mayman paktanapak hatun yuyaykuna kan, kashnami nirka "Mamallakta Tantanakuyka Ecuador llakta ayllukunapak kawsayta mushukyachinapi tukuykuna llamkanapak k
Paymantaka, Lucia Jaramillo, Relaciones Internacionales y Movilidad Humana Minkarishkata pushak, nirkami Istallaktawan llaktayta sinchiyachinapakmi Kamachiy Awlli llamkayrikuchik killkaka willakun "rikunallapak churashkata yallimi, kawsayta alliyachinapak hillaymi, wamrakuna yachanapak kullki yanapayta chayachin, llamkay wiñachikpak yanapak kullkita chayachina shinalaltak istallaktapi kawsakuk ñukanchik wawkikunata ukllan".
Rimanakuyta paskana ñawpaka, Mónica Orellana, kay Mamallakta Tantanakuypak Relaciones Internacionales killkakamayukka, Niels Olsen pushak kay Mamallakta Tantanakuy kay Ecuador llaktawan shinallatak allpapacha llaktakunawanpash chimpanchinkapak, kayshina tukuykuna mutsushkata chayachinapak, nirka.
Rimanakuy puchukaypika, Cuerpo Diplomático, embajadas shinallatak Organización de Naciones Unidas (ONU) tantanakuymanta minkarishkakunaka kayshina rimanakuyman kayachishkawanka kay suyu llaktakunapi shinallatak allpa pachapipash llakikunata chimpapuranapak alli ruraykunami kan, nirkakunami.
CV/cg-k
Ashtawan Shuyukuna:
