Yachak Fabián Plinio Efraín Fabara Gallardo, María Emilia Grijalva Reyes y Walter Giovanny López Endara runakunami Mamallakta Tantanakuymanta kay Consejo de la Judicatura (CJ) tantanakuypi 2025-2031 llamkanapak kallaripi shinallatak kipaman rimarikkunata akllarichun shutikunata chayachin, Mamallakta Tantanakuypak yuyarinakushka killkataka, 86 ari apushitaywanmi arininkuna.
Kamachi killkak, Pablo Jurado, chayachishka kamupika, Fabián Fabara runaka Jurisprudencia kamak kashkata riksichin, payka Judicial shinallatak llaktapak llamkana wasikunapi llamkashkata riksichin; kimsa chunka watakunatami llamkashka, ashktawanka wanachinapi, mamakamachiy rikunapi, shinallatak ruraykuna alli kashkata kamaypimi llamkashka.
Shuktakmantaka, María Emilia Grijalva runaka llamkaykuna kamaypimi achkata llamkashka. Shinaka Ministerio de Relaciones Laborales llamkaywasipi, shinallatak kay Centro de Arbitraje y Mediación tantanakuyta kipa pushakshina, shinallatak istallaktawan taripay ñawinchiykunapipashmi pakta llamkashka.
Paymantaka, Walter López runaka jurídica kamaypi yanapashpa shinallatak pushaykuna pushapipashmi llaktapak llamkana tawka wasikunapi paktarishka. Ashtawanka, 20 watakuna yallitami sumak yachana wasipi yachachishpa llamkashka.
Mamallakta Tantanakuy yuyaypaktarishkatami Consejo de Participación Ciudadana y Control Social (CPCCS) tantanakuyman riksichin, kay tantanakuymi shuk yuyarinakushka No. CPCCS-PLE-SG-022-O-2025-0159 killkawan kay CPCCS rimanakuypi, 11 puncha raymi killa 2025 wata yuyaypaktarishkawan, Mamallakta Tantanaky kay yallik 13 puncha aymuray killa 2025 wata mañaywan anchuchishka kipa, mañayta chayachishka.
Mamakamachiypak 179 niki killkata katishpaka, Consejo de la Judicatura tantanakuyka pichka ayllukunawanmi paktarinka paykunaka katik llamkaktapash charinka, tukuykunami kimsa shutikuna chayachishka Corte Nacional de Justicia pushak kimsa shuti chayachishkamanta akllarinka, kay tantanakuymanta akllaskami pushanka; shutikunataka fiscal general del Estado, defensor público, shinallatak Llakta pushakmanta, Mamallakta Tantanakuymantapash shutikunata chayachirka.
AM/cg-k
Ashtawan shuyukuna:
