Kay Corte Constitucional, la Comisión de Biodiversidad Tantanakuy yuyarinakushka killkata paktachinata mashkashpa, Biodiversidad Minkarishkakunaka, iskun ari apushitashkawanmi, kay Ley Orgánica para la Protección y Defensa de los Derechos de los Animales kamachiy rurana killka allichikushkata riksichik llamkaywillayta arinirkakuna. Mañaytaka Fernando Jaramillo kamachi killkakkmi chayachirka.
Paykuna yuyarishkapika, llamkaywillaypi rikuchinmi kay kamachiy rurana killkaka ñawpaman kamachiy ruranapak chayachishka killkapika kay Nro. 253-20-JH/22 yuyarinakushka killkapi mañashkata mana kimichinchu nin, kaypika paktarinapak tixi mutsuyta rikuchin shinallatak tawka llakikunami yuyaypi shinallatak ruraykunapipash rikurin, nirka.
Shinallatak, nirkapashmi, kay yuyarinakushka killka rikuchishkapika, kamachiy rurana killkakata Defensoría del Pueblo tantanakuymi allichishpa chayachina nin, kay yuyarinakushka killkata katishpa, kaypi rikuchishka hayñikunata shinallatak hayñikunata tantachishpa, tixi yuyaykunata paktashpapish. Kayshinata rikushpaka mushuk kamachiy rurana killkata Mamallakta Tantanakuypi paktarinapi kimichina, kayta paktachinapakka pachakunata mirachinami mutsurin nin.
Kay rikuchishkamanta, Minkarishkakunaka Corte Constitucional tantanakuy kay Nro. 253-20-JH/22 niki killka yuyarinakushkata paktarina nin, shinallatak Defensoría del Pueblo tantanakuyka mushuk killkata kamachiy ruranapak kay yuyaykunata paktarishpa chayachichun mañana nin.
Ashtawanka, Kayshina yuyay paktarinapakka Mamallakta Tantanakuy mushuk pachakunapi allichina shinallatak kamachiy rurana killkata chayachina, kay Defensoría del Pueblo tantanakuy chayachishka, kay pachakunaka Ley Orgánica de la Función Legislativa kamachiy rikuchishka ukupimi kan.
Kay mushuk kamachiy rurana killkapika, hayñikunata, yuyaykunata, shinalaltak Corte Constitucional tantanakuy rikuchishka yuyaykunata paktachinka, kayshina yuyarinakushka killkata paktachinkapak.
AM/cg-k
