124 ari apushitaywanmi, Mamallakta Tantanakuyka Llakta pushak kay Ley Orgánica Reformatoria de la Ley Orgánica Electoral y de las Organizaciones Políticas de la República del Ecuador, Código de la Democracia kamachiyta chawpita allichinapak tikrachishkata arinirka, kaypika, tawka yuyaykunamanta rikushpapish, kari warmi pakta kanatami kutinpash arinin.
Allichinapak ashallata rikuchishpa kachashkata yuyaypaktarishka kipaka. Registro Oficial killkakamayukpi willachishka kanka; kashnami Ley Orgánica de la Función Legislativa kamachiypak 64 niki killka rikuchishkata paktachishpa.
Chaymantaka, Justicia y Estructura del Estado Minkarishkata pushak, Rosa Torres, llakta pushak kamachiy paktachikshina yuyaykuna chayachishka, payka Mamallakta Tantanakuywanmi makipurashpa llamkan.
Yuyaykunamanta ashtawan rikunapika kari warmi pakta chaypikanatami achkata rimanakurkakuna. Kayshinami: "Ñukanchikka warmikuna pakta chayanata sinchiyachinchik shinallatak kari warmi pakta pakta chaypi kanatapash kuyuchinchik". Kay kimichik llamkaywillaypika ninmi "pushakkuna akllanapak killkarishkapika kari warmi nakashpaka warmi kari katinakushkami killkarinka", nin.
Paymantaka, María Paula Villacreses kamachi killkakka pushakkuna akllarinapi warmakuna kimirina alli rikurishkata rimarka. Ashtawanka, Llakta pushak rikuchiykunata chayachishkawan yuyaykunata ashtawan sichiyachin nirkami, yuyaykunata washaman mana chayachishka shinallata kari warmi paktakanta mana wakllichinchu. "Warmikuna shinallatak wamrakunapash chayana ushayta charinchik", nishpami puchukarka.
Paymantaka, César Palacios kamachi killkakka warmikuna shinallatak wamrakunapash kaypi paktarinatami kay Código de la Democracia kamachiyta 2020 watapi mushuktachishkapika churashka, nirkami.
Rimanakuypika, Jorge Chamba kamachi killkakka llaktay tantarikunaka tawkami tiyan nirka, shinallatak wakin tantarikunaka ayllunaman mana chayachina shinallatak yanapaytapash mana chaskinkuna, nirka.
Alejandro Vanegas kamachi killkakka Justicia Minkarishkata pushak, Rosa Torres, rimashkawan yuyaypaktarirka, payka warmikuna llaktayman kimirina mutsurinmi. "Ecuador llakta warmikuna atiriyka wiñaymantami", nirka.
Tukuymanta rikushpaka, kamachiy mushukyachiyka llaktayukkuna chaypikanatami sinchiyachin, kaypika wanachinata pakta pakta chayachinapak, shinallatak pakta pakta kana yuayta sinchiyachinapak, warmikuna llaktay akllarinapi chayanata, warmikunata wakllichiyta harkanapak, conjueces kamakkunata shutichinata achikyachinapak, shinallatak pushanata sinchiyachinapak, llamkaywasi sinchiyachinapak shinallatak llaktayuk chaypikanata paktachinapak, kay D’Hondt yupawan pushak akllarinapi shutichinkapakpashmi sinchiyachin.
AM/cg-k
Ashtawan shuyukuna:
