Mamallakta Tantanakuyka hunta rimanakuypimi, RL-2025-2029-012 niki yuyarinakushka killkata paktashpa, Dr. Vicente Rocafuerte shuti unanchata Ecuador llaktapi pukllak Moisés Isaac Caicedo Corozo runaman chayachirka, paymanka yachay rumpawan pukllashpa riksirishkamanta, Kay Mundial de Clubes de la Federación Internacional de Fútbol Asociado (FIFA) 2025 wata pukllaypi pakta riksirishkamanta shinallatak Ecuador llaktapak shutita istallaktapi pakta riksichishkamanta.
Kay Santo Domingo llaktapi 2 puncha sasi killa 2021 watami wacharirka, Moisés Caicedo runaka Club Espoli wankuriypi pukllay kallarirka, kipaka Independiente del Valle wankuriyman chayarka, kaypimi shukniki pukllayman yallirka shinallatak istallaktawan mishanakuy pukllaman chayarka kay Copa Libertadores pukllamanshina. Kaypak ayllu pukllaymantami Brighton & Hove Albion de Inglaterra wankuriman kayarka, kaymantami Europa rumpawan pukllayman yallishpa kallarirka. Shinallatak Beerschot de Bélgica wankuripi ashalla pachata karka, kipaka Brighton wankuriman tikrarka, kaypimi pakta llamkaywan riksirirka, chaymantami Chelsea Football Club kayarka, shinami kay pukllakkunawan kay Mundial de Clubes en 2025 pukllaypi misharkakuna.
Raymi ukupika, Mamallakta Tantanakuyta pushak, Niels Olsen, nirkami tukuy llaktayukkuna shinallatak allapapachapi kawsakkunapash wamrarak pukllakkunaman kuyayta chayachin. Pushakka nirkami 151 kamachi killkakkunapak shitipi shinallak Ecuador llaktayukkunapak shutipipash napani nirka. "Moisés runaka pakta kawsayta, sinchi yuyayta, shunkutami riksichin, Kunanka tukuy Ecuador ayllukunami shayarishpa makipi waktankuna", nirkami.
Rimarishpaka, Moisés Caicedo runaka shunkumanta kuyaywan Apunchikta, wasi ayllukunata, Ecuador llakta ayllukunatapash yupaychani nirka. Shinallatak, mishashkakunata sakishpa, kay llaktamanta kashkata riksinami ashtawan alli kan, nirka. "Tukuy wamrakuna katinapak rikuy kanata munani. Muskushpa katinata shinallatak apunchikta ama sakichik, mishanapakka, Apunchikmi kallaripi kana kan", nirkami.
Mamallakta Tantanakuyka sinchita llamkak ayllukuna riksinapi shinallatak llaktayukkunapak llamkayta sumaychanapimi llamkakunchik, Moisés Caicedo runa shinata riksinapak, Ecuador llakta ayllukunata allpapacha llaktakunapi riksichishkamanta, ñukanchik llakta pukllaypi riksirishka kashkamantapash.
MEV/cg-k
Ashtawan shuyukuna:
