Kay Transparencia Minkarishkakunaka, kunan tutami, Santiago Díaz kamachi killkakta huchachishka mañayta kamay paktanapak ñawinchiy kallarirkakuna, kay mañaypika shuk ayllupak kikin kawsaypi wakllichishka nishpa huchachishkami kan.
Kay ñawinchiy kallarinapak mañaytaka Isaac Solano kamachi killkakmi chayachirka shinallatak chunka ari apushitaywan arinirkakuna.
Kallaripika, Minkarishkata pushak, Diana Jácome kamachi killkakmi, Mamakamachiypak 233 niki killka rikuchishkata paktana nirka, kaypika llaktapak llamkak ayllukunaka tukuykunami paykuna llamkashkamanta kutichinata charin nin. Shinaka, Mamallakta Tantanakuymi kayshina ruraykuna kamaymanta rakirishka shina rikurikpika ñawinchiyta paktana kan, nirkami.
Jácome nirkami, kay ñawinchiyka nimamanta, Mamakamachipak 168 niki, 1 yupaypi rikuchishka killkata kamay paktana kashkata mana wakllichinchu nirka, kayshina paktaykunawanka ashtawanpash tukuy ruraykuna achiklla kachunmi mashkakun, nirkami. "Kamay paktarishkata mana yuyaypaktarishunchu, ashtawanpash kaypi rimalla llakikuna tiyashkatami riksina kan, nirkami.
Kay ruraykunata katishpa, Santiago Díaz Asque kamachi killkak ñawirinaman chayamuchunmi kayashun shinallatak kay Código Orgánico Integral Penal kamachiy mushukyachinapak yanaparishpa shuti aspikkunatapash kayachishun, kay mañayka huchachishka kamachi killkak mañashkami kan.
AM/cg-k
