Kay Justicia y Estructura del Estado Minkarishkakuna, awaki 14 puncha, sitwa killa, Babahoyo kiti, Los Rios Marka llaktapi rimanakurka, kaypika llaktapak llamkaywasikunami yuyaykuanta chayachirka, kay Código Orgánico de la Función Judicial kamachiy mushukyachina ukupi shinallatak kay yuyaykunami shukniki rimanakuypak llamkaywillayta allichinapak paktarinkakuna.
Washington Chuga, kay Policía Nacional del Distrito Los Ríos tantanakuypak comandante, ninkami kunanpika kay markapi runakuna pakashpa llakichiyka 27% patsakmi ashayashka, kay Policía Nacional shinallatak Fuerzas Armadas tantanakuykuna makipurashpa llamkashkamanata. Shinallatak, hatun llaikuna taripaypi shinallatak wanachiypipash ashtawan pakta ruray tiyachun mañan, shinallatak mushuk kamana wasikunata shinallatak tantanakushka llakichikta yachak kamakkunata chayachina, kayshina kamay paktanapi alli llamkachunkuna, nirkami.
Chaykamaka, Edwin Ocampo, Los Rios markapi gobernador runaka, kay markapi kasiklla kawsaymanta rimanaka sinchimi, llakichikkuna anchatami mirashka, ashtawankarin Babahoyo llaktapi, 200 yalli llakichiykunawan, kayshinaka rikurinmi, llakta chapakkuna kaypi kakpipash, tantanakushpa llakichikkuna mirashkami, ashtawankarin kamakkuna mana pakta llamkashkamanta, kaypika "muyushpa llukshinapi paktarishka" llakichikka wanachiy illaklla sakirin. "Shuk pakta kamayta mutsunchik kayshina kamachiyta alli paktachinkapak", nirkami.
Shinallatak, kay Consejo de la Judicatura de Los Ríos tantanakuyta pushak, Leonor Jiménez, nirkami kay 2025 wataka, 1055 hapishka ayllukunamantaka 40% patsakkunami kishpichishka kashka mana kashpaka ama wichkashka kankapak shuk yanapayta chashkishka. Achiklla kamachiyta paktachinkapakmi chaypachallatak llakichiyta riksishpa utkashpa kaman kan. Shinallatak kaman wasikunatapash allichina.
Leonor Jiménez nirkami kay markapi chusku wasikuna, antawankuna, shuktak charishkakunapash imalla allichina kashkata riksishkanchik, kaykunami kamayta paktachinapak mutsurin, nirkami.
Llaktamanta kay yuyaykunata chaskishpami, Justicia y Estructura del Estado Minkarishkakunaka kay Código Orgánico de la Función Judicial kamachiy mushukyachinata shukniki rimanakuypi riksichinapak llamkaywillayta allichinkakuna, kayshinami kamay pakta, achiklla, shinallatak llaktayuk mutsushkawan pakta kanapi alli kanka, ashtawankarin tantanakushpa llakichiiykuna mirashka llakkunapi chimpapurankapak.
EG/cg-k
Ashtawan shuyukuna:
