Kay wankurishkapi kanchis kamachi killkakkuna arinishkawanmi, Consejo de Administración Legislativa (CAL) wankuriyka, kay Código Orgánico Integral Penal kamachiy mushukyachinapak, Santiago Días kamachi killkak mañashkata mana arinirkakuna, kaywanka wamrarakkuna chayarinapak arinina watakunatami kuyuchinapak mañashka.
Yuyarinakushkapika Unidad de Técnica Legislativa (UTL) wankuripak rikuypika, riksinapak allichishka kamak llamkaywillayka, kay mañaypika mamakamachiywan yuyaykuna waktarishkashinami rikurin nin, runapak kawsayta washayachikpi shinallatak kari warmi wawakuna wamrakunata ukllanata wakllichishpa.
Mishel Macheno, mañayta chayachik, kay COIP kamachiypak 175 niki killkata mushukyachiypika, chayarinapak watayukta ashayachinamanta, kay mañayta chayachik kamachi killkakka shuk wamrata kikinkaypi wakllichishka nishka huchachishka kan, kaypika paypak yuyayman kimichishkami rikurin nishpa.
"Kay kamachiy rurana killkata akllashpaka shuk llakichishka nishpa runaman yuyayta arinishka shinami rikurinka, payka Mamallakta Tantanakuytami paypak llakikunata ukllanapak mashkakuk shina rikurin" nirkami.
Shuktakmantaka, sukta arinishkawan, Niñez Minkarishkaman llamkachun, kay Código de la Niñez (CONA) kamachiy mushukyachinapak mañashka kimsa killkata arinirka, kaypika wamrakuna umachinkachinata apakukkpi imashina wanachinamanta shinallatak kayshina llakikunaman kimichinapak imashina kayachinata rikunka.
Puchukaypika, Kay Código Orgánico Administrativo mushukyashkaka Justicia y Estructura del Estado Minkarishkapi llamkashpa allichishpa katinka. Kay mañaypika llamkanapak shutichishka minkarishkakuna kay kamachiymantallatak allichinapak llamkakushkapa shukllapi tantachina, kay yuyaymantallatak rimakukkpika, nirkami.
CV/cg-k
