Mamallakta Tantanakuyka hunta rimanakuypimi, RL-2025-2029-012 niki yuyarinakushka killkata paktashpa, Dr. Vicente Rocafuerte shuti unanchata Ecuador llaktapi pukllak Willian Joel Pacho runaman chayachirka, paymanka yachay rumpawan pukllashpa riksirishkamanta, Kay Unión de Asociaciones Europeas de Fútbol, UEFA Champions League y subcampeonato del Mundial de Clubes de la Federación Internacional de Fútbol Asociado (FIFA) 2025 wata pukllaypi pakta riksirishkamanta shinallatak Ecuador llaktapak shutita istallaktapi pakta riksichishkamanta.
Quinindé kiti, Esmeraldas marka llaktapimi, 16 puncha wayru killa 2001 wata wacharirka, Willian Pacho runaka wamramantami Ecuador llaktapak pukllaykunapi riksirirka, Independiente del Valle tantanakuypi karka, paykunawanmi Copa Sudamericana pukllayta 2019 wata misharka. Kipaka, Europa llakta pukllayman chayarka kay Royal Antwerp de Bélgica, el Eintracht Fráncfort de Alemania shinallatak kunanpika París Saint-Germain de Francia pukllaypimi llamkakun.
Raymi ukupika, Mamallakta Tantanakuyta pushak, Niels Olsen, nirkami Pachu runaka ista llaktapimi ñukanchik llakta pukllayta riksichishka. "Kuyashka Pacho, tukuy llaktayukkuna shinallatak allapapachapi kawsakkunapash riksin, nirkami 150 kamachi killkakkunapak shitipi shinallak Ecuador llaktayukkunapak shutipipash napani nirka. Kunanka tukuy Ecuador ayllukunata wamkrakunatapash munachishkanki ashtwan ñawpakman paktashpa katinkapak", nirkami.
Rimarishpaka, William Pancho runaka shunkumanta kuyaywan uancha karashkata naparka, llaktapak shutipi llamkakuyka sumakmi nirka. "Kay unanchata kashkishpa kushillami kani, Ecuador llakta ayllushina kushiyani tawka llaktayukkunami ñukapak llamkayta riksirin. Llaktata hatunyachinapak llamkakuni, asha ashami wiñakunchik. Ñukapak mashi llamkkunapak mishaypi paktarikpi anchata kushiyani" nirkami.
Kay unanchawanka, Mamallakta Tantanakuymi llaktapi pukllakuna riksirishkata riksirin, paykunaka munaywan, ruraywna shinchi llamkaywanmi Ecuador llaktapak shutita istallaktakunapi hatunyachishkakuna, nirkami.
MEV/cg-k
Ashtawan shuyukuna:
