Kay 10 puncha wayru killami kay Ley Orgánica para la Conservación y Protección de Páramos kamachiy rurana killkapak llamkaywillay shukini rimanakuypak tiyanka, shukyanchishka, llamkaypacha killkata allichishpami Biodiversidad Minkarishkakakuna kay chishi arinirka.
Llamkaypacha killkata arininapakka Carlos Cuesta kamachi killkami mañayta chayachirka shinallatak chunka ari apushitaywan arinirkakuna.
Llamkaypacha killkaka Minkariskakuna llaktayukkunaman kamachiyta riksichinapak pachakunatapash riksichin, kaypika llaktayukkuna rimanakuypi yuyaykunata chaskinka, rimanakuyka wacha 26 puncha shinallatak chillay 30 puncha sitwa killami paktanka shinallatak 6, 13, 20 karwal killa, 3, 17 kuski killkami paktanka. Shinallatak tawka aylllukunami yuyay chayachinaman kuchuyankakuna.
Kipamanka, shukniki rimanakuypak llamkaywillayta riksinapakka chillay 8 puncha wayru killapakmi churashka, arininapakka, kay chaska 10 puncha chay killapakllatak churashka. Kayka, llamkaywillayta chayachinapak pachakunaka 14 puncha wayru killa 2025 watami puchukan.
Rimanakuy paktaripika, Manuel Casanova kamachi killkakka Quinindé llakta kawsakuyta rimarka, kaypika 40 watakuna yallitami ayllukuna wasichishpa kawsakun, chaymantami sachata chapash llamkakkuna chapachun mañarka, kay llakta allpakunapi paykuna riksishkata shinallatak yachashkatapash riksichichun.
Kamachiy rurana killkataka Juan Carlos Rosero ñawpa kamachi killkak, 2024 watapi, shinallatak José Vallejo kamachi killkak, 2021 watapi chayachishka killkakunatami tantachishka.
Shuktak yuyaykunapika, kamachi killkakunaka yuyaykuna paktanapak, ruraykuna katinapak, llamkayta pushanapakmi, kayshinaka urkukunata llakta pushaymanta rikunapak ukllanapakpash. Ashtawanka, harkaykunata wanachiykunatapash churan; charishpa katinapak kamay; urkupi kawsak ayllukunapak hayñikuna; shinallatak chaparanapak katiranapakpash.
AM/cg-k
