Tukuykuna kimirishkawan, Mamallakta Tantanakuyka Régimen Económico, Tributario y su Regulación y Control Minkarishka kay Cooperativa de Ahorro y Crédito “CREA” kullkiwasi ima ruraykuna illashkamanta, imamanta wichkarishkata ñawinchiy kallarichun arinirkakuna.
142 kamachi killkakkunami kay Minkarishkapi ñawinchiy paktachun nishpa arinirkakuna, kaypika tukuy llaktapi 70 waranka wasi ayllukunatami wakllichishka nin. Adrían Castro, kay Azuay markamanta kamachiy killkak, kullkita wakichikkunaka kay markamantami ashtawan achka kashkakuna, kay CREA kullkiwasika kay llaktapimi kawsashka, wichkarina punchakamaka, 9% pakta kullkillakta tikrachinapak charirka, chaymantami wakllirka.
Rimarishpa yuyachirkami Margarita Hernández runa, exsuperintendenta de Economía Popular y Solidaria tantanakuyta ñawpa pushaktaka, Mamallakta Tantanakuymi ñawinchishpa wañachishpa llamkaymanta kay aymuray killa 2025 wata llamkaymanta anchuchirka, chapana rikurana llamkaypi mana paktarishkamanta shinallatak kullkiwasi ama wichkarichun llamkaypipash mana paktarishka nishpa.
Shuktakpika, Anthony Becerra shinallatak Camila León kamachi killkakkunaka, CREA kullkiwasipi kimirishka ayllukunata yanapash ukllanapak, achiklla utka paktarinapakmi tukuy ruraykunawan paktarishpa ukllana kan ninmi. "Wakllirishkakunaka yupaylla mana kanchu, ashtawanpash wasi ayllukunami kay kullkiwasi paykunapak tukuy llamkay kullkita churashkakuna", kashnami Becerra nirka.
Arinishka yuyarinakushka killkapika 30 punchakuna ukupimi, minkarishkakunaka CREA kullkiwasi imamanata wichkashka willayta riksinapak chayachinkakuna shinallatak kay kullkiwasipi charik ayllukuna mashka paktashkata tukuy tikrachinapak pakta willayta riksichinkakuna.
CV/cg-k
Ashtawan shuyukuna:
