Kay profundimetro antawan rumpa tukurishkata rikunapak, wanachinata mirachinapak, fotomultas shinallatak radares harkanallapak churanatami kay Código Orgánico Integral Penal (COIP) kamachiy mushukyachinapak shukniki rimanakuypi riksina yuyaykunaka karka. Kay mañaypika antawakuna wakllichikpi shinallatak ñankunapi purina alli kanatami mashkakun.
Kay Gobiernos Autónomos Minkarishkakunaka, paykuna llamkaypi, kamay paktanata shinallatak COIP mushukyachina pakta yuyaykuna charinatami rimarirkakuna, kayshina tukuy paktaykuna alliman kachun shinallatak alli kamay paktanapak rimanakurka.
Llamkaywillayta riksichik kamachi killkak, Lucia Pozo, kay minkarishkamanka pushakkuna, yachakkuna, shinallatak Asociación de Municipalidades wankurita pushakkuna, antawa purik tantarita pushakkuna, Agencia Nacional de Tránsito, Consejo de la Judicatura tantanakuykuna shinallatak shuktak wankurikunapashmi chayamurka.
Pozo kamachi killkakka kay kamachiy mushukyachishkawanka rumpakuna tukurishkata rikunapak, umanchinata alli churanapak shinallatak ayllukunata antawapi yallintak ama apanapak, kawsay llakichinallata harkanapakmi kan.
Kay kamachiyka shuk ayllupak yawarmi 0,1 g/l alcohol yalli tiyakpi wanachiyta chayachinapakmi; harkachishka antawata chanishpa kutichinapak, antawa purikukpi karuyachikpi rimakukpi wanachinata, shinallatak antawata mana pakta arinishka iñik pankawan purichikukpi rikunapak, shuktak rikuykunapashmi churashka kan.
Rimanakuypika, Jhajaira Urresta kamachi killkakka ñankunapi antawakuna wakllirishpa ayllukunapak kawsayta wakllichishkamanta rimarka shinallatak, kay yuyaypika Coalición de Movilidad Segura Ecuador wankuriywan allichishka killkata kimichichun mañarka, kaypika antawa yalli kallpakpi shinallatak machashka purichikpi wanachinamanta rikunka nirka.
Paymantaka, Steven Ordóñez runaka fotomultas shinallatak radares antakunamanta rimarka, harkanapak mana chaninapakmi kana kan nirka, kaymi wanachina kamachiypi achiklla sakirina kan, nirkami.
Shuktak kamachi killkakkunaka, Patricia Núñez, Juan Gonzaga, Paola Jaramillo, Sergio Peña, Blasco Luna, Andrés Guschmer, Otto Vera, Mariana Yumbay, Ecuador llaktapi antawakuna ancha kutin kutin llakitukushkamanta rimarka. Shinallatak, llaktayukpak llamkayta wanachinata shina churanapak, karuyachikpi rimanata wanachinapak, chapakkunapak llamkayta, kikinmanta antawapi llamkanapak shinallatak Agencia Nacional de Tránsito tantanakuyta ñawinchinatapash rimarkakuna.
Shukniki rimanakuyka Henry Bósquez, Xavier Lasso, Milton Aguas, Edwin Jarrín, Eustaquio Tuala, Neyda Donoso, Cristian Benavides, Pablo Jurado, Alfredo Serrano, Adrián Castro kamachi killkakkuna rimarishkawan puchukarka. Shuk yuyay chayachishkapika antawa purinata rikuk kamakkunapi mañaykunata ashayachinapak mañarka. Tukuymantaka 21 kamachi killkakunami rimarirka.
AM/cg-k
Ashtawan Shuyukuna:
