Ecuador Mamallakta Tantanakuyka willachik antakuna mushukyashkata riksichin: La Radio de la Asamblea, TVL shinallatak redes sociales oficiales llikapankakuna, kunanka riksichirkami mushuk shuyuta, llaktayukkunata yanapanapak ruraykunata: kari warmi wawakuna, wamrakuna, pakllakuna, yuyakunapash.
Kutin riksichiyka, Mamallakta Tantanakuyta pushak, Niels Olsen, pushakuywan, shinallatak Secretaría de Comunicación wankuriywan, rikuranapak, rimanakunapak shinallatak llaktayukkuna chaypikanapak kuskata wiñachinapak mashkakun, kaypika ayllukuna pakta chayanata, tukuy yuyaywan paktarinata shinallatak ayllukunawan kuchulla kanatami mashkakun.
Munanay ruraykuna shinallatak tukuy llaktayukkunapak
Mushuk uyarinakunapika riksichik shinallak alli rurashkakunami rikurin, Mamallakta Tantanakuypi llamkakkuna allichishka, kaykunami kan:
El País de Floreana: kay uyanaka kari warmi 8, 11 watakama wawakunapak shiallatak llaktapi kawsayta sinchiyachinapak.
Lo Pleno: podcast wamkrakunapak kay llaktaymanta, yachaymanta shinallatak kamachiy awllimanta rimanakunapak.
Punto Curul: kamachi awllikunapak kawsayta riksichinapak.
El Rotor (temporada 3): Llakta takikkuna kay Mamallakta Tantanakuypak helipuerto pampapi takinapak
Kay llamkaykunaman kanchaman rurashkapash kimirin, kayshina El Gran Cacao, Huele que alimenta shinallatak Pasión por Guayas ruraykuna, ñukanchik llakta charishkata riksichik sinchiyachinapash.
Llaktapak shinallatak Istallaktapakpash
Kay TVL rikuchiyka tukuy Ecuador llaktapimi kay (XTRIM shinallatak CLARO) karuyachikwan rikurin, shinallatak istalltakunapipash kunanka Zapping shinallatak Claro Video llikapankapi rikuy usharin.
Paymantaka, La Radio de la Asamblea antauyachikka mushuk ruraykunawanmi rikurin, kushiyachin shinallatak yachachinpash, Tarina Pacha, Back in Time, Tinta y Candela, shinallatak Entre Parlamentos. Ashtawanka, kunanka Spotify shinalaltak Alexa (TuneIn) ukupipash mi kan, kaypika maymanta shinallatak imapachapash yaykuy usharin.
Zirma llikapi mushukyay kaypi rikuriypash
Kay pushayachayka shuyukuyuriyta churanami: Llaktayukkuna kay Pleno rimanakuyta TV shinallatak anta uyachikpi mana katiy ushashpaka Facebook Live shinallatak YouTube llikapankapi katiy ushanka, X, Facebook e Instagram llikapankawan paktarishpa.
Shinallatak, Mamallakta Tantanakuypak riksichik kikinkaytaka tukuy mushuk llikapi kimirishpa paktarishkanchik, zirma llamkayta, killkata shinallatak shuyu uyanatapash paktarishpa.
Paktashkakuna shinallatak yuyaypaktarishkapash
Kay aymuray killa 2025 watamanta, Mamallakta Tantanakuypak zirma willachikkunaka wiñarishpami rishka: karwal killapika 1.8 hunu ayllukunami kimirishka, 93.368 rikushka shinallatak ayllu llikaypipash 1.434 katikkunaman paktashpa.
Antuan Barquet, Willachik killkakamayukka, Ecuador Mamallakta Tantanakuyka rikunapak willayta shinallatak willachik antakunata kutin riksichinapakka, tukuy mushukyakushkata, mutusurishkata shinallatak ruraypak kashkata riksishkami , kaykunami llamkaywasita sinchiyachin ashtawanka zirma llamkaywan paktachinpash. "Kay kutin riksichiyka Kamachiy Awlli tukuy llamkaykunata achilla charinapak, kimichinapak, tukuyman paktarichinapak shinallatak utkachinapak kashkatami kutinpash riksichin, kayshina llaktayukkuna chaypikana, shinallatak llakaykunata pakta ayllukunaman chayachina, yachachina, paktarichinapash kachunmi" kan, nirkami.
Kay rirksichik raymika 3 puncha kuski killka 2025 watami, Museo del Pasillo wasipi, kamachi killkakkunawan, pushakkunawan, yuyay paktarikkunawan, willachik antakunawan, shinallatak yachana wasi pushakkunawan, istallakta tantanakuykunawanpash paktarirka.
RSA/cg-k
