Mamallakta Tantanakuyka, 83 ari apushitaywanmi, Llakta pushak kay llakichik tantanakuykuna nishpa “Cartel de los Soles” shinallatak “Tren de Aragua” shutichishkata arinin, paykunaka llakichikkuna, shinallatak wankurishpa wakllichikkunami kan shinaka Ecuador llaktapak kasiklla kawsayta, kikinyayta shinallatak ayllukuna pakta kawsaytami wakllichinalla rikurinkuna, chaymantami kayshina shutichishka kan, ninmi.
Riksichikka, Ana Belén Tapia kamachi killkak, yuyachirkami, ñawpanchishpa, Llakta pushak, Daniel Nobo Azín runaka, shuk decreto ejecutivo killkawanmi, “Cartel de los Soles” shinallatak “Tren de Aragua” wankurikuna tantanakushpa llakichikkunami nishpa shutichirka.
"Ecuador llaktaka ñawpaman mana riksishka llakipimi kawsakun, ñawpa pachakunapi llakichikkunata kacharishpa sakishkamanta, kayshina llakichikkuna llaktapak llamkaywasipi yaykurichun sakishkamanta, ćarceles wichkana wasikunata paykuna rikuchun sakishkamanta, llaktakunamanta shinallatak llakta pushak akllarinapi kimirichun sakishkamantapash", kashnami kamachi killkakka nirka.
Rimanakuypika, Elejandro Lara kamachi killkakka llaktapi llaki tiyashkata rimarka shinallatak pakta llaktaywan kamachiywanpash chimpapurana mutsurishkata rimarka. Paymantaka, Alez Morán kamachi killkakka kayshina llakichik tantanakuykunata riksishpa shutichishka allimi kan, nirka.
Chaykamaka, Fernando Cedeño kamachi killkakka Llakta pushakmi kasiklla kawsayta rikunata charin nirka shinallatak kay punchakuna llaktapi llakikuna tiyashkatami rimarka. Kipaka, Héctor Rodríguez kamachi killkakka llaktapi llakichiyka sinchimi kan shinallatak Ecuador llaktapika wañuykunapashmi mirashka nirka.
Kay yuyarinakushka killkata ariniyka Llakta pushak ushayta paktarishkami kan payka tantanakushpa llakichikta chimpapuranapak tukuy ruraykunata paktariy ushanmi, istallaktakunama uma chinkachina apanata chimpapuranapi shinallatak llaktayukta ukllanapakpash, Mamakamachiypi kimirishpa shinallatak paktarikuk kamachiyta katishpa, kasi kayta sumaychashpa shinallatak llaktayuk kawsayta, kikinkaytapash ukllarashpa.
Puchukaypika, Mamallakta Tantanakuyka, Llakta pushak kayshina tantanakushpa llakichikta chimpapuranapak shinallatak anchuchinapakpash alli llaktaykunawan, ruraykunawanapash chimpapurakushkata riksichirka, kayshina llamkanapakka istallaktakunata makipurayta mañashpa shinallatak pakta yuyayta riksishpa, kamashpa shyinallatak saywa llaktakunapi chaparashpapash.
AM/cg-k
Ashtawan shuyukuna:
