Ecuador llaktapak mushuk Mamallakta Tantanakuyka América Latina shinallatak el Caribe kamachi Awllipura llamkaytami kay “Entre Parlamentos” rimanakuypi pushakun, kaypika suyu llaktapurami kasi kawsaynata, llamkayta, hampinata, llakta wiñarinata, runapak hayñita shinallatak kay suyu llaktapi tiyashkata ruraykunata rimanakunka.
Kay “Entre Parlamentos” rimanakuyka kay Ecuador Mamallakta Tantanakuypak Willay Killkakamayukpak mushuk llamkaymi, kaypika kamachi awllipi willachik antakunamimi, kay kutin, suyu llaktapi willachinapak chakata churankakuna.
Kay rimanakuywanmi, Ecuador llakta kari warmi ayllukunaka shuktak llaktapi kamachiy ruraypi llamkay paktakushkata riksinkakuna, chay pachallatak, kay suyu llakta ayllukunapash kamachiy allipi llamkayta, kamachiy rurarikukta shinallatak Mamallakta Tantanakuypak llamkay pachapurichikta riksichinkakuna.
Kay pachakamaka, "Entre Parlamentos" rimanakuypika, taripay rimanakuypi shinami Colombia, Chile, Perú, Panamá shinallatak Costa Rica llaktamanta kamachi killkakkuna, kamachichikkuna, senadores runakuna chayamushka, llaktayukkuna chaypi kanapak, kayshina llaktapak kamachiy ruranapi pakta pakta chayanapak yuyaypaktarinapakpash.
Kayshina llamkaywanka, Mamallakta Tantanakuyka istallakta kamachi awllikunapura makipuranapak tixiyachin shinallatak hispano rimak llaktakunapak munayta paktarichinkapak.
"Entre Parlamento" rimanakuyka kay La Radio de la Asamblea Nacional anta uyachiypimi kulla punchakuna 07h00 pacha tutamanta uyarin shinallatak 12h30, 18h30 pachakunaka TVL karurikuchik antapi rikurin (Ecuador saylla).
CV/cg-k
