Wacha, 20 puncha kuski killka, Desarrollo Económico Minkarishka, 8 ari apushitaywan shinallatak 2 mana ari apushitaywan, kay Ley de Fortalecimiento y Sostenibilidad Crediticia kamachi rurana killka (kullkimanta utkashpa ruranapak chayachishka), kay killkataka Mamallakta Tantanakuyta pushakman chayachishka kanka, kay Ley Orgánica de la Función Legislativa kamachiy rikuchishkata paktashpa.
Minkarishkata pushak, Valentina Centeno, nirkami kay kamachiyka Banco del Instituto Ecuatoriano de Seguridad Social (BIESS) kullkiwasita sinchiyachinka shinallatak, kayshina, killkarishkakunaman ashtawan kullki mañachinata mañachinka kayshina alli wasita charichun. Kullki llamkayta achikyachinka shinallatak BIESS kullkiwasipak llamkayta allikachinka, kaypika fideicomisos chinkachinapak tawka watakunata rikushpa shamushka, shinallatak tawka wasikunata kutinpash allikachinkapak, shinaka killkarishkapak shinallatak samakukpak kullkita rikushpa katinapak.
Shinallatak, BIESS llamkayta sinchiyachinapak mashkakun, kaypika kutichina kullki kipayashkata mintalankapak shinallatak riksichik llamkayta paktarinapak, kullkiwan llamkayta allichinapak yanapanka shinallata, kaymantaka, kullkita ashtawan charinka. Kay kamachiyka, ashtawan, killkarishka shinallatak samakuk ayllukunapak mutsurishkata sumaychanka, kullkita ama yalli tukuchinkapak shinallatak llamkaypi ama mirachinkapakpash. Paktanaka kay wichkashka previsionales kullkita charikkunaman chayachinapak.
Sergio Peña kamachi killkakka nirkami yachaymanta rikuymi kan, kallari hatun yuyayka killkarishka shinallatak samakuk ayllukunata ukllanami kan, hunu hunu ayllukunapak wakichishka kullkita ukllanapak. Kay llamkayka kay fondos complementarios cerrados pushanata pakta pushapak shinallatak kutichinapakpash, shukllapak fondos kullkita killkarishka ayllukunapak kullkita chayachishpa ama katichun.
Kay IESS tantanakuypak fideicomisos paktay alli kaymi kan, kullkiwasika pakta pakta kullkitami charina kan. Kamachiyka kay Corte Constitucional tantanakuy yuyarinakushka killkata paktachin kaypika Consejo Directivo del IESS pushakkuna akllanapak, shinallatak BIESS kullkiwasi allikachun shinallatak IESS tantanakuypash tiyashpa katichun.
Paymantaka, Alex Morán kamachi killkak, arininapak mañashka kipa, kunanka ashtawan sinchi, pakta shinallatak tantachik llamkayrurayta charin, kay seguridad social llamkayta shuktakyachinkapak, shinallatak shuktak makipurashkawanpash yanaparinkapak.
Kay kamachiyka BIESS kullkiwasipak llamkaykullkita mushukyachinkapakmi kan, kaywanka fondos complementarios previsionales cerrados kullkita killkarishka, samakuk shinallatak yanaparik hayñita ukllankapak, kay . Shinallatak, kay fideicomisos alli rikuy shinallatak achiklla llamkaypash paktanapak ruraykuna, kay Instituto Ecuatoriano de Seguridad Social (IESS) tantanakuyta pushak shinallatak llamkaytapash sinchiyachinkapak chayapaktak.
Kay kamachiy rurana killkaka kimsa niki killkata charin, tawka mushukyachiytami ishkay kamachiypi shinallatak kunanllapak churashka killkapak chayachin.
RSA/cg-k
