Mamallakta Tantanakuyka, kay 22 puncha kuski killka, 81 ari apushitaywan, ingeniero Gonzalo Albán runa, kay Consejo de Participación Ciudadana y Control Social (CPCCS) tantanakuypi rimarikta ñawinchirka wanachirkapash, payka Mamakamachiyta shinallatak kamachiykunatapash mana paktashpa llamkashka nin, pushak akllarinapak arinishkamanta, ashtawankarin llamkaytapash puchukay pichka watapi shuk llaktay wankuriyman kimirishka kashkamanta.
Wanachiyka, llamkaymantapash llukshichirka, shinallatak shamuk ishkay watapi llaktapak llamkaypi mana kimiriy ushanka, kashnami Ley Orgánica de la Función Legislativa kamachiypak ishkay millka, 85 niki killkatapi rikuchishkata katishpa.
Ñawinchik, Keevin Gallardo, Fiscalización Minkarishkapi tukuy riksichiyta chayachirka, shinami Gonzalo Albán rimarik runa paypak llamkaypi pantarishka kan nishpa riksichirka. Kaypika killkakuna shinallatak yuyaypaktarishkakuna Consejo Nacional Electoral (CNE) tantanakuypi shinallatak Tribunal Contencioso Electoral (TCE) tantanakuypi kallarirka, shinaka, CNE tantanakuyka Gonzalo Albán runa akllarinata Movimiento Ético Verde (MOVER) wankuriypi killkarishka kashkamanta. Mana pakta llamkayka Albá runaka llamkanapak harkashka kashpapash yuyaypaktarishkata chayachirka, nirkami.
Gallardo runaka llamkay paktashkata, rurayta shinallatak wanachiyta rikuy mana kanchu, ashtawanka Participación Ciudadana y Control Social tantanakuypi llamkashpapish katishka, kay Ley Orgánica del Consejo de Participación Ciudadana y Control Social kamachiypak 21 niki killka, 8 yupay killkatami wakllichishka, rimarik runa harkashkata rikuchishpa. Chaypakka, nirkami, llamkay mana pakta kashkata riksishka kipa, Mamallakta Tantanakuyka Gonzalo Albán runata wanachirka llamkaymanta llukshichirkapash.
Chaykamaka, ñawinchishka llamkak, Gonzalo Albán Molestina runaka, kay ñawinchiyka wanachiytami kallarichikun nirka, rimarik llamkaypi paktarina ñawpa ruraykunamanta. Shinaka, kay wañachikushka ruraykunaka llamkaypi pakta rurashkami karka shinallatak llamkayman yaykuna ñawpa paktarishka.
Taripay paktariyka CNE tantanakuy yuyaypaktarishkapimi kimirin shinallatak TCE tantanakuy yuyaypaktarishkapipash.
Rimanakuypika iskun kamachi killkakkunami rimarirka, paykunaka juicio político ñawinchiy paktarimana kimirirkakuna, shinallatak llaktapak llamkakta mana wanachina nishpa rimarirkakuna, paykunaka Participación y Control Social tantanakuypi rimarikka llamkayman yaykuna ñawpami paktarishka.
EG/cg-k
Ashtawan shuyukuna:
