Mamallakta Tantanakuy, kipa pushak ñawpachishka, Carmen Tiupul, shinallatak Grupo de Amistad Ecuador corea, chaskirka shuk minkashka pushakkunata Corea Mamallakta Tantanakuymanta, pushashka kallari kipapushak Hack Young Lee, apanakuy wawchiyay ishki mamallaktakuna sinchiyachinapak, ashtawan pacha kamachitantari tukuy llamkaypi.
Chay tantanakuypi, kipapushak Lee nirka kallari chayamushka shuk minkashka pushakkuna coreana mamallaktamanta, chaypi riksichirka shuk hatun mintalayay, kullkimiray shinallatak wawchiyay pushayachay. Riksichirka maymutsuri arinishka pushayachay wawchiyay kullkillamkay (CECI), arinishpa aspishka 2025, Ecuador shinallatak Corea kulla mamallakta, paskanka mushuk llankaypachakuna rantinpak mintalayay mirachinapak shinallatak coreana llamkakwasi kullkimirachina ecuador mintalayaypi.
Chaypi, kamachi killkak Lucía Jaramillo, pushak Grupo Interparlamentario Ecuador-Corea, rimarka mutsurikunamanta rimanakushpa katinashinallatak sinchiyachina kamachiy ishki mamallaktakuna tantanakushpa. “ kanchikmi wankurishka maypimi shuk shamuk punchapak rikushpa yanapanchik, mintalayay pakta kachun, yachashkakuna shinallatak kutinchariynapk wiñarikunata”, nirka
Tukuykunapi, Corea del Sur istallaktakamayuk Ecuador mamallaktapi, Lee Jong-shin, illurka arininakuy mintalayay paktachishkamanta, 10 wata washa katukrantimanta, chashnalla kullkillamkayta wawchiyanapak, pakchiyachay shinallatak ishki mamallaktakuna shinchiyarichun.
Coreana mamallaktapak minkashkakuna kamachi killkak Hye Ryun Back, Nam Hee Kim; shinallatak kamachi killkakkuna Jae Gang Lee y Hyung Dong Kim.
EG/ht-k
