Hunta Mamallakta Tantanakuy riksinakurka, shukniki chimpapuraypi, Ñawpakyuyay Borbón Kiti Wiñachina Kamachiyta, Esmeraldas markapi, chay kallari maskanmi llaktakunapi wiñarina shinallatak sinchiyachina 34 waranka llaktayukunaman allikak mañaymashkanapak.
Tantanakuypi, kamachi killkak Samuel Célleri, Minkarishka Kikinllaktak Kapakapuk llamkaywillayta rikuchik, nirkami ruranariksichik llaktayukunapak yanapaywan churashka llaktayukta tapuy yallishka 16 sasi 2025 watapi, chaypi 68,4% apushitashka tukuykuna shimirimarka mushuk kitita wiñachinapak
Kamachi killkak nirka cha kallarishka mana kanchu makanakuna chikanyachina llaktakunapura, ayllukunapura. Nakashpa, kiti sakinkami Eloy Alfaro kiti shamuk mushuk Borbón kiti mañaymashkay yanapaykunata charichun, llamkayñan chashnallatak wiñariy llaktayukunata ima mutsurikunapi yanapanapak.
Ishkiniki hunta chimpapuraypak, Célleri yuyaychurarka pataku llamkaykunata charina chay Llaktakamak Llaktakullki shinallatak Kullkikancha, Mamallakta Killkakamayuk Llamkayñan, Mamallakta Kunak Mishanakuy, Mamallaktapak Llaktakamak wasi, Ecuador Mamallakta Kitikunapak Tantanakuy chashnallatak Banco Central del Ecuador, pakchiyachya llamkaykunata kuskinapak, pitukamay chashanallatak iñiytakuchun shuk katirurana allilla charirayashpa.
Tantanakuypi hayninakurka Borbón Wiñariy Tantanakuy minkashkakuna, maykuna yanaparka ruranariksichik Mamallaktapak pushak chayachishkata.
Chay chimpapuranakuypi, kamachi killkakkuna iñukunapi chapushka nirkakuna kiti pitukamay mañaymashka sinchiyachina, kunankama zaiwa llaktakunapi purichikushka, rakinakuna charishkakuna shinallatak tikrachikuna, kitipak llamkakkuna, zaywa llaktakunata yanapan chashnallatak kullkiyachik tiyashkakunata kanakay, chaykunapi manu kunankama Eloy Alfaro kitipi charin.
Mushuk kiti Borbón charinkami chunka ishkay kitillikunata: Borbón, Anchayacu, Atahualpa, Colón Eloy del María, Luis Vargas Torres, Maldonado, San Francisco de Onzole, San José de Cayapas, Santo Domingo de Onzole, Selva Alegre, Telembí y Timbiré. Tukuykuna, yapanachiy saywashka pushay 34.160 llaktayukuna.
Chukniki chimpapurayta tukuchishpa, ñawpakyuyay kutin tikrachirka Minkarishka Kikinllaktak Kapakapuk llamkaywillaykunata ruranapak allikachun ishkiniki Hunta Mamallakta Tantanakuypi chimpapuranapak.
AM/ht-k
