Kamachiy Kamay Kunak (CAL), 82 yupay tantanakuypi, allinirka sukta ñawpakyuyay kamachiykunata mushukyachinamanta hatun yachay, allikay, llankak hayñi, shinallatak llaktayuk chaypikak. Chay yuyaykunawan, kallarichishka katinka mañaykatishpa chusku minkarishka Mamallakta Tantanakuypi.
Ñawpakyuyaykuna allinishka kanmi mushukyachina Hatun Kamachiy Hatun Yachay, yupalliyachinapak yachay tiyachun chashnallatak sumak yachana wasipi kichi pakta tiyachun; mushukyachina Runakawsay Yachay yachanakuyta sinchiyachina. Ishkikuna kuskishka kan Minkarishka Yachay, Kawsaywallpay, Amawtay, Pakchiyachay, Mushukyachi shinallatak Wiñaymanta Yachay. Shukniki, rikuchishka kamachi killkak Fabricio Tamayo; ishkiniki, rurakriksiriy kamachi killkak Keevin Gallardo.
Chuyakaypi, Minkarishka Allikay Hayñi shinallatak Kallpay riksinakun ishki kallarimanta, shukniki ruranariksichik mushukyachina Hatun Kamachiy Allikaymanta kamayta allichinapak katikuy pushakkamay wanachikuna allikaypi, ruranariksichi kamachi killkak Keevin Gallardo. Ishkiniki rikuchishka kamachi killkak Andrés Castillo, yuyay churan sinchiyachinapak chuyakay rikurayanapak shinallatak hampikunamanta allichirinapak.
Kutishukkunapi, Minkarishka Llankak Hayñi shinallatak Kawsay Kamay mañaykatinka ñawpakyuyay rikuchishkata Fabricio Tamayo wallpachinapak shuk llamkaysamay punkara llaktakunapi llamkakkuna.
Minkarishka Achiklla, Llaktayuk Chaypikak shinallatak Rikurayay Wankurikawsay kuskinakunka kallarichishka kamachi killkak Alfredo Serrano mushukyachina tawka kamachiykunata chashnalla iñiytakunapak llaktak kallari chashnallatak chani ñawiriy sinchiyachinapak.
CAL allinishka, sukta ruranariksichik kallarin riksichiyarishpa shinallatak chimpapurashpa minkarishka tantanakuypi, shukniki rimanakuypi chimpapuranapak llamkaywillayta rurashpa.
AM/ht-k
