Minkarishka Chikan Kikinllatak Kapakapuk tantachirka mañaykatinapak Código Orgánico de Organización Territorial, Autonomía y Descentralización (COOTAD) shuk mushuk ñawpakyuyay kamachiy intichakushka tinkinakuyta purichinapak shinallatak llikapanka yaykuna uchillasuyukunapi, shitashka kitillaktakunapi yaykunapak sinchi kashka.
Hamutacharka Kamachiy kamay Kunak (CAL) sinchiyuyari riksishka kipa, allinirka chay kallariymanta chashnallatak allinirka COOTAD mushukyachina ruranariksichik tantanachinapak. Chay tantachinamanta yuyaychurarka kamachi killkak Milton Aguas shinallatak chaskirka tantallashukyuyayta minkarishka tantanakuypi.
Ñawpakyuyay, rikuchishka kamachi killkak Samuel Célleri, yuyaynin suniyaymanta allikay manukullki rikushka niki 498 chay COOTAD llakta runa shinallatak kamachiy llamkaykunata rurachun nakashpa ñawpakyuyaykuna kullkimiray kachashka iñiytakuchun llikapanka pakta yaykuchun, zirmallika tinkinapak ashtawan pakchiyachay willaykuna shinallatak willaykuna uchillasuyukunapi, shitashka kitillaktakunapi mana pakta yaykushka.
Tantanakuypi, Célleri nirka chay kallarichi mana mushuk manukullki wiñarinchu, mana chinkachinhu mana kana llaktakamaywasi riwuyuna manukullkita. Rikuchirka paktay kanmi hatunyachina kamachiypi nishkawan chayta kullkimiraypak pachanyachinapak ukutiksi pakchiyachay.
“Ñukanchik ruranariksichik tantachin shuk mushuk pushakyuyay maymutsurik: zirmallika tinkinakuy shinallatak pakchiyachay willaykuna yaykuchun willaykuna, ashtawan yalli uchillasuyukunapi, shitashka kitillaktakunapi sinchi yaykunapak kashka”, nirka.
Chashnallatak, rikuchirka mushukyachina kunmi Chikan Kikinllatak Kapakapuk chaypi, kitikamachiywan shinallatak sinchiyuyana, llaktakamaywasikuna kutinriksichun uchillayachinapak munukullkita maykankuna ukutiksi pakchiyachaypi kullkikapuyana chashnallatak alli ayllu llika Karuyachikllika. Achikyachirka mana kanchu tukuypak allikay, nakashpa shuk riwiyuna kullkimiray purichina sapsikuna shinallatak chasnina halla zirmallikata uchullayachinapak.
AM/ht-k
