250 yalli ayllukunami El Oro marka pushana wasi ukuman chayamurka, kaypimi Yaku kamachiymanta taripay chimpapuraypi rimanakurkakuna, shinallatak kay llaktayukkunata, ayllullaktakunata, paklla ayllukunata, yana runakunatapash tapushka pichka hatun yuyaykunamanta rimanakurkakuna.
Ishkay niki Kimsa tantanakuykuna killkarishka kashpapash, ayllukuna pakta yuyaykunata chayachichun munaywanmi, yakumanta yuyaykunata chayachichunka shuktak tantanakuykuna, ayllukunapash rimarishkata chaskirkakuna. Kaypi kay rimanakuyta pushakuk apukkunaka tukuykuna rimashpa chayachishka mañaykunata, yuyaykunatapash chayachichun kayachirkakuna.
Yaku wiñayta, pukyukunata rikurana chayaparanapak mañaykunami tukuymanta yalli chayamurka, kaysinallami mayukuna mana chakirichun harkanata; ashalla ayllukunapak makipi yaku ama kachun; urkukunata mana wakllichina kashkata; ayllukuna yakuta ama tukuchinapak, mana mapayachinapak yachachina mutsurishkata, shinallatak sachakunata mana wakllichinapak kamachiy charinami kan, nirkakunami.
Tawka Tantanakuymanta pushakkunami Ecuador llakta ayllukunapak mutsushkata, llakta llankaypak mutsushkatami yanapana nirkakuna; chaypakka, Kay rimanakuykunapi chayachishka yuyaykunata rurarikuk kamachiypi churachunmi mañarkakuna, kay yuyaykunaka llaktakuna wiñay kawsaypi riksishkata; waka llaktakunata; llaktakuna wiñaykawsaymanta yaku charina pushayta; hapinata, charinata, rikuranata; kamaypi paktakanata; llakta pushaypi, pushanapipash paktakanatami mañarkakuna.
Kay ishkay niki tantanakuykuna rimanakuypika Ricardo Zambrano, Marcia Arregui, Nelson Serrano, Ramiro Vela, Montgomery Sánchez apukkuna, shinallatak Miguel Carvajal apuk Mikuna Unanchayta pushakpashmi llankaypi karka.
Kay tantanakuykunapika Franco Romero, Montgomery Sánchez markapi pushak, Pablo Granda markapi kamak, Llaktapi Consejo Electoral tantanakuyta kay El Oro markapi pushak, Milton Paredes karkakuna.
Franco Romero apuk, kayshina llankaywan tukuy markakunaman chayashkata napashpa kushilla kashakta riksichirka, llaktayuk mutsushkata chaskinami allikan nirkami. Montgomery Sánchez Ordoñez apukka, tukuy llaktapi Yaku kamachiymanta rimanakuypika tawka yuyaykunata, mañaykunatami chaskishkanchik, kay yuyaykunaka kamachiy ruranapak killkapimi kimichishka kanka, llaktakunapak kikin mutsushkata rakishpa rikurashpa, nirkami.
Rimanakuyka 14:15 pacha chishimi puchukarka. Miguel Carvajal apuk minkarishkata pushakka, 10 punchakunami chaskishka yuyaykunata tantachinkapak mutsurishka shina rikurin, ninmi, kayshina tantachishka killkatami Mamallakta Tantanakuyta pushak, Gabriela Rivadeneira apukman chayachishun, Katiy taripayman kayachichun, kaypika Llaktapi shuklla tantarishpa rimanakuymi paktanka nirkami.
JLVN/pv
