Kapukyachik tantarikuna, hatun yachanawasikunamanta, sisa tarpunakunapash, INIAP kamay wasita kay Código de Economía Social de los Conocimientos (INGENIOS) kamachiy hatun yuyaykunata churarka. Kay pachapi, kay rimaykunami tiyarka: killkakpak hayñikuna, shutikuna, irpakuna, hayñikunata ukllay, kamayta ukllay, amawta taripaykuna hawa rimarka.
Kay Consejo de Cámaras y Asociaciones de la Producción tantarimanta Xavier Rosales kamachik, kay Propiedad Intelectual kamachiyta anchuchina nirka, chay kamachiyka 1998 watapi arinirirka, chayka Ecuador llakta, chay Comunidad Andina y la Organización Mundial de Comercio tantarikunawan arinishkata charishpa llankashkakpi tiyarka, chaymanta kikin amawtay hawa, kay mushuk kamachiypi churana mana mutsurinchu nirka.al.
Kishpirishka taripayta rurankapa shuk llankana mirarichun utkashpa mutsurin nirka, llankaymanta kamuta killkashka llankayta, mayhan killkakpakmi kanka, kay llankayta shukakman killkachichunka harkashkami kanka, chay llankaypi irpata churashkapash harkashkami kanka, llakikana tiyakpipash harkayta mana ushankachu.
Sisata tarpukkuna
Tawkamanta, Alejandro Martínez, Expoflores pushak, sisa tarpukkunaka ñami 35 watakunata kay Mamallaktapi llankashpa shamun nirka, kunankama 800 hunu kullkita watapi hapishkakuna, 630 hunukunaka llankakkunaman kushpa tukuchirka, kaykunapak mana yanka yanapaykuna tiyachun nirka; maypimi sisakunata mutsuk rantikkunaman kushiyachishpa katuna kachun munanchik, chayka maysumak sisa, llipyarikuk; tawka sami sisakuna tupurishkata rikunami urman.
Kay pushakka chaninata, tawka ayllu sisakunata mirachichishpa mushuk sisakunata wiñachina llikapi yanapachun mañarka (tawka tullpuyuk sisakunawan chakrushpa wiñachinata rimarka, tawkasami llulluk sisakunata wiñachina mutsurin nirka) kay sisakunata kay Mamallaktapi, istallaktakunapi katunkapa nirka.
Paktanakuna
Paymanta, Víctor Hugo Molina, payka kay Universidad Técnica de Ambato hatun yachana wasimanta mushuk llankaykunata wiñachikmi karka, paymi kay Educación Superior (LOES) kmachiy, hatun yachana wasikuna taripayta rurachun, wiñariyta pushachun shuk tatkita ñawpakman purichun may mutsurikmi karka nishpa riman, taripashka amawta kamukunata tukuykuman allpapachapi rikuchichun rimarka, imashima mushuk llanakaykunata rurana, unachakunata rikuchichun yanaparka.
Kunan, kay Código de Conocimientos kamachiyka: ashtawan wiñarinkapa, mushuk llankayta rurankapa wiñaykawsay tatkimi kanka, killkakpak hayñikunata, irpakunata, imashina mintalanata, imashina kapukyachina, shutichina, kaykuna hawa rimarka.
MG/pv/jc-kichwa
