Mamallakta Tantanakuyta pushak, Gabriela Rivadeneira, Consejo de Participación Ciudadana kamaywasipak kari warmi kunakkuna arinishka kipa, paykunata 2020 watakama llankachun tiyachirka.
Shinami, Edwin Jarrín, Lucía Gallardo, Tito Astudillo, Tania Pauker, Luis Burbano, Yolanda González, Juan Peña hatun kunakkuna shutirirkakuna, Mamakamachiy rimashkata, Mamallaktapak kamachiykuna rimashkata paktachinata rimarkakuna, shinallatakmi kari warmi kipa kunakkuna rimarka, paykunaka: Sonia Vera, Aquiles Hervas, Cruz María Bustamente, Walter Fernández, Carlos Torres, Nora Encalada kamachikkunami llankaypi tiyarirka.
Kay Consejo de Participación Ciudadana kamaywasika kanchis hatun kunakkuna yaykurishkami kan, sapan kunakmi kipa kunakkunata charin, pichka watatami llankanka.
Kamachiywanmi kari warmi pakta yupay yaykurichun kaman, hatun iñuta charikkuna chupata hapishpa, wachurayashpa tiyarinka, shuk runa yaykurishkatapash charinka, paykunaka llaktamanta, runallaktamanta, yunka llaktamanta, yana llaktamanta shamunkuna.
Kari warmi kunakkunata akllanaka tantarikunamanta, llaktayukmantami shamurka, paykunami ima llankaykunata rurachun shuk ñanta kun.
Kamachiyka, ña kari warmi kunakkuna llankankapa tiyarishpaka paykunapura hatun rimanakuyta charinka, chay rimanakuypi Consejo de Participación Ciudadana y Control Social kamaywasipak kari warmi Pushak, Kipapushakta akllanaka.
JLVN/pv/jc-kichwa
