Kay Wilson Chicaiza kamachiy killkak, Pichincha Distrito Sur de Quito llakmanata kachashka, Servicio Público (LOSEP) kamachiyta Mamallakta Tantanakuyman rikuchirka, payka Mamallakta Pushakman kullkita nikishpa kunkapa LOSEP hatun kamachiyta mushukyachina nirka.
Kamachiy killkak pay mañaypi, Mamallakta Pushak kashkamanta chusku wata kipa sapan killa, kullkita kunkapa nishpa riman, chaypimi kunan hapikushkamanta 75% patsakrita urayachishpa kuna riman, shina paya Mamallakta Pushak, Kipapushakpash hapichun mañan, chay pushakkunaka tukuy runakuna akllashka yaykurishka kachun mañan.
Mana alli llankakpi surkushka Mamallakta pushakkunaka kay kullkita mana hapinkachu. Mamallakta Pushak, Kipapushakpash kay kamachiy arinishka punchamanta mana paykuna wañunkakama hapinkachu.
Kipapushak, Mamakamachiypi rimashkata katishpa llankay yaykurishka kashpaka, paypak llankana watata sumaklla llankayta tukuchishka kashpaka, Mamallakta Pushak shinallatakmi kullkita hapina hayñita charin.
Mamallaktapak hatun kullkipi, hatun kamachikkunaman churashka kullkika, kay kamachiy rimashkata paktachinkapami kan, shinami kay mushuk kamachiypak yuayka kan.
Kay Wilson Chicaiza Mamallaktapi kullki tiyashpa katichun, llankashkamanta kullkita kuna, rantinakunamanta, hatun kamachikwan llankakkuna, paykunaka tukuylla kamaywan kimirishpami llankanata charin, ashtawanakarin Mamakamachiy, Código de Trabajo kmaachy, LOSEP kamachiy rimashkata paktachinka, paktapakta hayñita charichun, llankaytapash charichun, mana tsiknishka kachun rikuna.
Yapa, kamachiyka achikllami riman, shuk llankayta paktachishka kipa, shuk kullkita hapinka ninmi, chaymanta sapan killa kullkita hapishpa akatinka, mana llankashpa katikpi, tukuylla mitachita mana kukpi, kullkitapash mana kushpa katinata usharinchu; kamachiyta tukuypakmi kan nishpa rimayta tukuchirka.
MG/pv/ jc-kichwa
