Mamallakta Tantanakuy kamachiy killkakkunapak 110 apuchiwan, Cooperación entre Ecuador y Uruguay yuyarita arinirka, chayka Mamallaktapak kawsaytarpuyta, pachamamapi tiyakta shuwashka, surkushka, apashka, shuktak llaktaman kachashka, mana kamachiywan katushkata ukllankapa, wakaychinkapa, tikrachimunkapa kan.
Kay yuyarika alli kamaacghiuywan llankaya charinkapa ishkantin Mamallakta makita kushpa llankankapa yuyaytami charin, chayka taripayta, wanachinata, wanachiy churayta paktachinkapa kan.
Kay Comisión de Soberanía, Integración, Relaciones Internacionales y Seguridad Integral kipapushak, María Augusta Calle kamachiy killkak, Ecuador llaktapi tiyak kawsaytarpuyta, pachamapi tiyakta ukllankapami kan, shina ñukanchik kikin kashkata kutintak charinkapami kan.
Kayshina yuyarikunaka charishkunata kutintak tarinkapami yanapan, kayka ista llaktakunawan mushuk yanapaymi kan, shina shuwashpa surkuykunata sakichishun, ñukanchik Mamallaktapak saywa kanchapi tiyakkunata kutintak tikrachimunkapa kan nishpa kutintak rimarka.
Paymanta, Nelson Serrano kamachiy killkak, maypi ñukanchik Ecuador llaktapak charishkakuna, pachamamapi tiyashkakuna taririk llaktakunawanmi shuk yuyarita arinina alli kanka nishpa rimarka, chaykunaka paya wakaychina wasipimi wakaychishka tiyanata charin.
Kay yuyarika imashina mayhan llaktamanpash kawsaytarpuy charishka, pachamama charishka yaykunata riman, sapan Mamallaktapak kamachiypi rimashka paktachishpa charishkakuna yaykunata, kanchaman apanatami rimanka; charishkakunata mana kamachiywan apakpi manarak wanachishpa rikuna hawa rimarka; kay shuwashkakunata pakalla katukpi wanachinka; tantarishpa shuwakkunata; kay yuyariwan alli llankaykuna rikurishkawan yanapana.
Chay Gobierno de la República de Guatemala llaktawan, Reino de Camboya llaktawan kunanshina yuyarita killkashkata rikuchinata ushanchik, kay UNESCO, 1970 watapi yuyarishka ukupi kan.
Kay yuyarika Mamakamachiy rimashka ukupimi yaykurin, chaymantami kamachiywan churashkakunaka kay República del Ecuador llaktapak Mamakamachiy rikuchishka ukupimi kan nishpa willarka.
GC/pv/jc-kichwa
