Kay América llaktamanta, Naciones Unidas (ONU) tantarik wallparik kan, kay II Foro Parlamentario Beijing + 20 hatun tantari, Ecuador llaktapak Mamallakta Tantanakuypak wasipi pusharikun. Kay tantarika, kunan, kaya punchakunami kanka.
Chayman chayakkuna kay Declaración y Plataforma de Acción Beijing hawa atinakunka, kay killkaka chay Cuarta Conferencia Mundial warmikunapak tantarimantami riman, chayka China llaktapi ONU tantari, 1995 watapi rurarishkami kan. Chay willayka warmikuna, warmi wawakuna kishpiykayta charichunmi kan, paykunapak hayñita paktachichun, mana waktashka kachun, yachana wasiman rina, arininata ushana, kari warmi ishakntin llankayta charina hawa rimanka.
Kay tantariman shamuk warmikuna, paykunapak hayñikuna, ushaykumanta, llakikumanta rimashka kipa, shuktak llakikunapash rimanka, chaywan kari warmi ishkantin pakta pakta llankana hawa yuyarinka, kay tantari 09:00 sayllata kallarirka, imashina rimayta charina, imashina tantarita pushana hawa rikunka, shinami José Mejía Lequerica ukupi kanka.
Kay 10:00 sayllata, Gabriela Rivadeneira Mamallakta Tantanakuyta pushak, Apya-yala llaktamanta Grupo de Mujeres Parlamentarias Pushak, Gina Godoy; ONU Warmikuna, Moni Pizani, willana ñanpi riksichinka. Kipaman, runakunawan, Rimanakukkunawan shuk tantarita charinka, paykunaka warmimanta, kullkimanta Paya Pushakkunapak ukupi rimanakunka.
Chishami, 15:00 sayllapi, Nela Martínez hatun ukupi kay Tantarita kallarichinka. Kaypimi Gabriela Rivadeneira Pushakta Yapa, Moni Pizani, Gina Godoy rimanka, shinallatak Ecuador llaktamanta, Xavier Lasso Ista Kamachik rimanka. Shinami shuktak yachaykunawanpash katinka.
LM/pv/jc-kichwa
