Kay Economía Popular y Solidaria kamachiy mushukyachina llankakuypi, Quito kitipak kunak warmi, Luisa Maldonado, Régimen Económico minkarishkaman chayamurka. Yuyaykunata chayachishpaka shukllapak llankak ayllukunata rikunapak kamayta shinallatak llaktapak llankak ayllukunata rikuk kamayta chikanyachinami mutsurin, nirkami.
Kay sistema coorporativo tantankuypi llankak ayllukunaka llaktawan mana tinkitishkakunachu ashtawanpash paykunapakmi llankana wasikunaka, ishkaypi rakishka yuyaykunami tiyan: tantanakuy llankakkunapakmi, chaymantami tantanakuyta charikkunapak llankayta rikuna kamay charina mutsurin, nirkami
Llaktapak llankak warmika Relaciones Laborales tantanakuymi kay cooperativa-trabajador paktarinata rikunata charin, nirkami. Apukkunapak rikuypika kay llankayka rikunallami, shuklla kamay tiyashkatami yuyarkakuna shinapash: tantanakuy-charik, kay economía popular y solidaria paktay, cooperativismo paktayka tawkapura makipurashpa llankaytami sinchiyachinka, kaypika tukuykunami llankakkuna kan, kullki churakkuna mana tiyanchu, kullkimantalla llankanata mana mashkanchu, ashtawanpash llankaytami wiñachin, shinallatak kay llankaymanta hapishkawan pakta kawsanatami tukuykunapah mashkankuna, nirkami.
Luisa Maldonado warmika, kay tantanakushpa llankakkunaman ayllukunapak kawsana wasita rurashpa llankayta sinchiyachichun yanapanami mutsurin, cooperativo paktayka llaktayuk tantanakushpa llankaytami sinchiyachin, ushayman kayachin, makipurashpa llankaymi kallaripika kan.
Shuktakmantaka, cooperativas tantanakuykunaka allpapi chayashkamanta kullkita mana mashkanchu, ashtawanpash ayllukuna wasita charichunmi yanapan, wasikunapash achka hatunmi kanka, alli rurashka, ashalla kullkipi rantinapak.
Kayshina paktayman chayanapakka llaktami allpakunata shutichina kan, cooperativas tantanakuykuna kayman chayachun, yachayta charichun, kullkitapash mañachichun.
Puchukaypika, consejala warmika kay Economía Popular y Solidaria kamachiyta tukuy pakta rikunami mutsurin, nirkami.
JLVN/pv/ kCGC
