Mamallakta Tantanakuypi apukkuna kaya wanra punchaka ishkay kutin rimanakunka, Mamallakta Tantanakuyta Gabriela Rivadeneira Burbano pushak apuk kayachishka.
Shinaka, 09h00 pacha tutamantaka 351 niki rimanakuypimi katinkakuna, kaypika Ankara – Turquía llaktapi patsak yalli ayllukuna wañushkata, 180 chukririshkata shitarinapak shuk yuyarinakushka killka ruranatami rimanakunka.
Yuyarinakushka killkapika, Ayllu Tantanakuykunawan, Llaktaypi llankak Tantanakuykunapash llakita apakukkpi, Ista llaktapi yanapak tantanakuykuna ONU tantanakuypash turco, kurdo runakunapak kawsayta wakllichishkamanta rikushpa yanapachunmi mañanka.
Milton Gualán apuk mañashka killkapika, 10 puncha wayru killa 2015 watami, Ankara kiti, Tuquía llaktapi, “manifestación por la paz” kaparinakuyman Ankara llaktapi llankak ayllukunata pushakkuna kayachishka karka, kaypi ishkay llakikunapi 120 yalli kari warmi ayllukuna wañurka, 180 ayllukunaka chukririshpa sakirirka.
Utkashpa rurana kamachiy
Shinallatak 09h30 pacha tutamantapakka, 352 niki rimanakuyman apukkuna kayachishka kan, kaypika llakta pushak kullkimanta utkashpa ruranapak nishpa kachashka Incentivos para Asociaciones Público-Privadas y la Inversión Extranjera rurarina kamachiy killkatami riksinkakuna, kay killkataka Desarrollo Económico y Productivo Minkarishkami rikushpa arinirkakuna.
Kay rurarin kamachiyka público-privada llankak wasipura kullkiwan makipurashpa llankanatami yanapanka.
Ka kamachiyka Comité Interinstitucional de Asociación Público-Privada tantanakuytami wiñachin, kay tantanakuypika Llakta pushakmanta tantachish pushanatami riksichinka, kaypimi llaktaykunata, llankana ñankunata kay tantanakuy pakta purinapakka rurashpa riksichinka.
Kay comité tantanakuymi público-privada makipurashpa llankay mayllapi paktanata riksichinka; llaktapushakmi régimen de incentivos makipuraywan ruraykunata riksichinka, yanaparinapak kamaykunatapash churanka, kayshinami rakichishpa kullkita llankaypak chayachishkawan público-privada makipurashpa llankayka llaktapi paktanka.
Kay kamachiywanka Código de la Producción yanapaypak paktarinka, kaypika Impuesto a la Renta (IR) y del Impuesto a la Salida de Divisas (ISD) manu kullki tantanami 10 watata kishpirinka. Shinallatak Impuesto al Valor Agregado (IVA) manu kullki charina rantinapi, yanapash llankaypipash rikurinka.
Kay kamachiyka 8 niki killkatami charin, paktarinapika comité interinstitucional tantanakuyka, yanapayta, kamachiy paktayta, llakikuna yanapayta, ruraykuna chuyalla yallinata, ruraykuna hawalla rinata, paktaykuna charinatami rikuranka.
Kayshina llankaypika llaktayuk mutsushka ruraykuantami makipurashpa paktanka, ñankuna ruranapi, wasichinapi, llaktapi llankaykuna sinchiyaypi, wampuk anta antankakuna shayarina pampakunapi, shuktak llankaykunapipash.
PV
